വനിതാ ടി.ടി.ഇ.യോട് അപമര്യാദയായി പെരുമാറിയ സംഭവത്തിൽ സ്വർണ കള്ളക്കടത്ത് കേസ് പ്രതി അർജുൻ ആയങ്കിക്കെതിരെ കോട്ടയം റെയിൽവെ പൊലീസ് കേസെടുത്തു.ശനിയാഴ്ച രാത്രി 11-ന് ഗാന്ധിധാം-നാഗർകോവിൽ എക്സ്പ്രസിലാണ് സംഭവം. വനിതാ ടിക്കറ്റ് പരിശോധകയോട് മോശമായി പെരുമാറുകയും അക്രമിക്കുകയും ചെയ്തതിനാണ് കേസ്. തീവണ്ടി തൃശ്ശൂരിലെത്തിയപ്പോൾ ജനറൽ ടിക്കറ്റുമായി അർജുൻ സ്ലീപ്പർ കോച്ചിൽ കയറി. ജനറൽ കംപാർട്ട്മെൻറിൽ കയറണമെന്ന് ടി.ടി.ഇ. പറഞ്ഞതിനെത്തുടർന്നാണ് മോശമായി പെരുമാറിയത്. ടി.ടി.ഇ. കോട്ടയം റെയിൽവേ പോലീസിൽ പരാതി നൽകി.ടിക്കറ്റ് പരിശോധകയുടെ പരാതിയിൽ ജാമ്യമില്ലാ വകുപ്പുകൾ ചുമത്തിയാണ് കേസ്.
വനിതാ ടി.ടി.ഇ.യോട് അപമര്യാദയായി പെരുമാറി;അർജുൻ ആയങ്കിക്കെതിരേ ജാമ്യമില്ലാവകുപ്പ് പ്രകാരം കേസ്
