തിരുവനന്തപുരം: കാലാവധി കഴിഞ്ഞ ഡ്രൈവിങ് ലൈസന്സുകള് ഇനി പിഴകൂടാതെ പുതുക്കി നല്കാം. കാലവധി കഴിഞ്ഞ് ഒരു വര്ഷത്തിനുള്ളില് ലൈസന്സ് പുതുക്കുന്നവര്ക്കാണ് ഈ ആനുകൂല്യം ലഭിക്കുക. ടാന്സ്പോര്ട്ട് കമ്മിഷണറുടെ നേതൃത്വത്തില് നടന്ന യോഗത്തിലാണ് തീരുമാനം.
കാലാവധി കഴിഞ്ഞ ഡ്രൈവിങ് ലൈസന്സുകള് പുതുക്കാന് സാധാരണയായി ഈടാക്കുന്ന ഫീസുമാത്രം വാങ്ങി പുതുക്കിനല്കാമെന്നാണ് പുതിയ നിര്ദേശം. ഈ ഭേദഗതിപ്രകാരം കാലാവധികഴിയുന്നതിന് ഒരുവര്ഷം മുമ്പ് ലൈസന്സ് പുതുക്കാന് അവസരമുണ്ട്. ഒരുവര്ഷം കഴിഞ്ഞാല് വീണ്ടും വാഹനമോടിച്ച് പരീക്ഷ പാസാകണം. ഇതാണ് തത്കാലികമായി നിര്ത്തിവെച്ചത്.
