സംസ്ഥാനത്ത് മൂന്ന് ജില്ലകളില് കോവിഡ് കേസുകള് ഉയരുന്നു. എറണാകുളം, തിരുവനന്തപുരം, കോട്ടയം ജില്ലകളിലാണ് കോവിഡ് കേസുകള് കൂടുന്നത്.കേരളം കൂടാതെ തമിഴ്നാട്, മഹാരാഷ്ട്ര, തെലങ്കാന, കർണാടക സംസ്ഥാനങ്ങളിലും പോസിറ്റിവിറ്റി നിരക്ക് കൂടിയിട്ടുണ്ട്. ഇത് കണക്കിലെടുത്ത് ജാഗ്രത കൂട്ടാൻ കേന്ദ്രം കേരളം ഉൾപ്പെടെയുള്ള സംസ്ഥാനങ്ങൾക്ക് മുന്നറിയിപ്പ് നൽകി. കേരളത്തിൽ 11 ജില്ലകളിൽ രോഗികളുടെ എണ്ണം ഉയരുന്നതിൽ കേന്ദ്രം ആശങ്ക അറിയിച്ചിട്ടുണ്ട്. മഹാരാഷ്ട്രയിൽ 6 ജില്ലകളിലും തമിഴ്നാട്ടിൽ രണ്ട് ജില്ലകളിലും രോഗബാധിതരുടെ എണ്ണം കൂടുന്നത് ശ്രദ്ധിക്കണമെന്ന് കേന്ദ്രം മുന്നറിയിപ്പ് നൽകിയിട്ടുമുണ്ട്,സംസ്ഥാനത്താകെ ഇന്നലെ 1465 പേര്ക്കാണ് രോഗം സ്ഥിരീകരിച്ചത്. ഏറ്റവും കൂടുതല് രോഗികള് എറണാകുളം ജില്ലയിലാണ്. സംസ്ഥാനത്ത് കോവിഡ് സ്ഥിരീകരിക്കുന്നവരില് മൂന്നിലൊരാള് എറണാകുളം ജില്ലയില് നിന്നാണെന്നാണ് കണക്കുകള് നല്കുന്ന സൂചന. കൊവിഡ് കേസുകള് ചെറുതായി ഉയര്ന്നെങ്കിലും ആശങ്കപ്പെടേണ്ടതില്ലെന്ന് ആരോഗ്യമന്ത്രി വീണ ജോർജ്. ഇപ്പോള് ബാധിച്ചിരിക്കുന്നത് ഒമിക്രോണ് വകഭേദമാണ്. പരിശോധനകളില് മറ്റ് വകഭേദങ്ങള് കണ്ടെത്തിയിട്ടില്ല. കൊവിഡിനോടൊപ്പം ജീവിക്കുക എന്നതാണ് പ്രധാനം. എല്ലാവരും മാസ്ക് നിര്ബന്ധമായും ധരിക്കുക. കിടപ്പ് രോഗികള്, വയോജനങ്ങള് എന്നിവരെ സംരക്ഷിക്കാനുള്ള പ്രവര്ത്തനങ്ങള് നടത്തണമെന്നും മന്ത്രി പറഞ്ഞു.
സംസ്ഥാനത്തെ കൊവിഡ് കേസുകളിലെ വർധന; ആശങ്കപ്പെടേണ്ടതില്ലെന്ന് ആരോഗ്യമന്ത്രി മൂന്ന് ജില്ലകളില് കോവിഡ് കേസുകള് ഉയരുന്നു;ജാഗ്രത നിർദേശം
