കായംകുളത്ത് റോഡരികില് നാല്പത്തിയഞ്ചുകാരനെ മരിച്ച നിലയില് കണ്ടെത്തിയ സംഭവത്തില് നിര്ണായക വിവരങ്ങള് പുറത്ത് വിട്ട് പൊലീസ്. കായംകുളം പെരിങ്ങാല സ്വദേശിയായ കൃഷ്ണകുമാറിനെ ചവിട്ടി കൊല്ലപ്പെടുത്തിയതാണെന്ന് പൊലീസ് സ്ഥിരീകരിച്ചു.
കൃഷ്ണകുമാറിന്റെ വീടിന് മുന്നിലിരുന്ന് പ്രതികള് മദ്യപിച്ചിരുന്നു. ഇത് ചോദ്യം ചെയ്തതിന് പ്രതികള് കൃഷ്ണകുമാറിനെ മര്ദിച്ചിരുന്നു. വൃഷ്ണത്തില് ഏറ്റ ചവിട്ടാണ് മരണ കാരണമായത്. ചവിട്ടിക്കൊന്നതെന്ന് പൊലീസ് അറിയിച്ചു. ഇന്നലെ രാവിലെയാണ് കൃഷ്ണകുമാറിനെ വീടിന് സമീപം മരിച്ചനിലയില് കണ്ടെത്തിയത്.
രണ്ട് പേരെ കസ്റ്റഡിയിലെടുത്തിട്ടുണ്ട്. ഇവരുടെ അറസ്റ്റ് ഉച്ചയോടെ രേഖപ്പെടുത്തുമെന്ന് പൊലീസ് പറഞ്ഞു.
