തന്റെ ഫോണ് നമ്പര് തമിഴ്നാട് ബി.ജെ.പി ചോര്ത്തിയതായി നടന് സിദ്ധാര്ത്ഥ്. 24 മണിക്കൂറിനുള്ളില് തനിക്കും കുടുംബത്തിനും അസഭ്യം പറഞ്ഞും, റേപ് ചെയ്യുമെന്നും കൊല്ലുമെന്നും ഭീഷണിപ്പെടുത്തുന്ന തരത്തിലുള്ള 500ഓളം ഫോണ് കോളുകളാണ് വന്നതെന്ന് സിദ്ധാര്ത്ഥ് ട്വീറ്റ് ചെയ്തു
ബി.ജെ.പിയുമായി ബന്ധമുള്ളതും അല്ലാത്തതുമായ എല്ലാ നമ്പറുകളും പൊലീസിന് കൈമാറുകയാണെന്നും സിദ്ധാര്ത്ഥ് പറഞ്ഞു.
‘എന്നെ നിശബ്ദനാക്കാനാവില്ല, നിങ്ങള് ശ്രമിച്ചു കൊണ്ടേയിരിക്കൂ’ എന്നും നരേന്ദ്ര മോദിയെയും അമിത് ഷായെയും ടാഗ് ചെയ്തുകൊണ്ടുള്ള ട്വീറ്റില് സിദ്ധാര്ത്ഥ് പറയുന്നു.
തന്റെ നമ്പര് ചോര്ന്നതിന് പിന്നാലെ ആ നമ്പര് പങ്കുവെച്ചുകൊണ്ട് തന്നെ ഉപദ്രവിക്കാനും ആക്രമിക്കാനും ആഹ്വാനം ചെയ്യുന്ന ഒരു സോഷ്യല് മീഡിയ പോസ്റ്റിന്റെ സ്ക്രീന് ഷോട്ടും സിദ്ധാര്ത്ഥ് മറ്റൊരു ട്വീറ്റില് പങ്കുവെച്ചു.
