കേന്ദ്ര മന്ത്രി കോവിഡ് ബാധിച്ചു മരിച്ചു

ന്യൂഡൽഹി: കേന്ദ്ര മന്ത്രി കോവിഡ് ബാധിച്ചു മരിച്ചു. കേന്ദ്ര റെയിൽവേ സഹമന്ത്രി സുരേഷ് അംഗടി (65) ആണ് മരിച്ചത്.

ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) ചികിത്സയിലായിരുന്നു.

കർണ്ണാടകയിലെ ബെലഗാവിൽ നിന്നുള്ള ലോക്സഭാംഗമായ അദ്ദേഹത്തിന് ഈ മാസം 11-ന് ആണ് കോവിഡ് സ്ഥിരീകരിച്ചത്. അന്നു മുതൽ എയിംസിൽ ചികിത്സയിലായിരുന്നു.

രാജ്യത്ത് കേന്ദ്ര മന്ത്രി കോവിഡ് ബാധിച്ച് മരിക്കുന്നത് ഇതാദ്യമാണ്.