തിരുവനന്തപുരം : യുഡിഎഫില് നിന്ന് പുറത്താക്കിയ ജോസ് കെ മാണി വിഭാഗത്തിന്റെ ഇടത് പ്രവേശനത്തെ കുറിച്ച് ചർച്ച ചെയ്തിട്ടില്ലെന്ന് എല്ഡിഎഫ് കണ്വീനര് എ വിജയരാഘവന്. ഏത് മുന്നണിയിലേക്ക് നീങ്ങുമെന്ന കാര്യത്തില് ജോസ് കെ മാണി വിഭാഗം ഇതുവരെ നിലപാട് അറിയിച്ചിട്ടില്ല.
ജോസ് കെ മാണി വിഭാഗത്തെ യുഡിഎഫില് നിന്ന് പുറത്താക്കിയതിനെക്കുറിച്ച് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. എല്ഡിഎഫ് ഇക്കാര്യം ചര്ച്ച ചെയ്തിട്ടില്ലയെന്നും അദ്ദേഹം അറിയിച്ചു. പൊതുവായ രാഷ്ട്രീയ സാഹചര്യം എല്ഡിഎഫ് ചര്ച്ച ചെയ്യുമെന്നും അദ്ദേഹംകൂട്ടി ചേർത്തു.
