കുന്ദമംഗലം : ചെറിയ രീതിയിൽ മഴ പെയ്യുമ്പോയേക്കും വെള്ളക്കെട്ടിൽ മുങ്ങി മുക്കം റോഡ്. മത്സ്യ മാർക്കറ്റ്, റേഷൻ കട, തുടങ്ങി പൊതുജനങ്ങൾ നിത്യേന ഇടപെടുന്ന പ്രദേശത്ത് മഴക്കാലത്തിനു മുൻപായി അതികൃതരുടെ ശ്വാശതമായ ഇടപെടൽ ഇല്ലാത്തത് കാരണമാണ് ഇത്തരത്തിലൊരു വെള്ളക്കെട്ടിന് ഇടയാക്കിയിത്.
നിലവിൽ ചളി കുമിഞ്ഞു കൂടിയ ഡ്രൈനേജുകൾ വഴി, വെള്ളം ഒഴുകി പോകാനായി ബുദ്ധിമുട്ട് നേരിടുന്നതാണ് ആളുകൾക്ക് നടന്നു പോകാൻ പോലും കഴിയാത്ത രീതിയിലുള്ള വെള്ളക്കെട്ടിന് ഇടയാക്കിയത്. മുൻപും വ്യാപാരികൾ ഈ പ്രശ്നം ചൂണ്ടി കാണിച്ചിരുന്നുവെങ്കിലും നടപടികൾ ഉണ്ടായിരുന്നില്ല.
ഡ്രൈനേജുകൾ കൃത്യമായി വൃത്തിയാക്കിയാൽ മാത്രമേ നിലവിലെ ദുരിതത്തിൽ നിന്നും അല്പം ആശ്വാസമാകുമെന്നാണ് പ്രദേശവാസികളും വ്യാപാരികളും പറയുന്നത്.
