പരിസ്ഥിതി പ്രവര്ത്തകന് കല്ലൂര് ബാലന് (76) അന്തരിച്ചു. പാലക്കാട് ജില്ലാ ആശുപത്രിയില് വച്ചാണ് അന്ത്യം. ഹൃദയസംബന്ധമായ അസുഖങ്ങളെ തുടര്ന്ന് ചികിത്സയിലായിരുന്നു. പാലക്കാട് ഒറ്റപ്പാലം പാതയില് മാങ്കുറുശിയില് നിന്ന് നാലുകിലോമീറ്റര് ദൂരെ കല്ലൂര്മുച്ചേരിയിലാണ് ബാലന്റെ സ്വദേശം. പാലക്കാട്, തൃശൂര്, മലപ്പുറം ജില്ലകളിലായി മാവ്, പ്ലാവ്, പുളി, ഉങ്ങ്, വേപ്പ്, നെല്ല്, ഞാവല്, പന, മുള തുടങ്ങി ഇതിനോടകം 25 ലക്ഷത്തോളം തൈകള് ഇതുവരെ കല്ലൂര് ബാലന് നട്ടുപിടിപ്പിച്ചിട്ടുണ്ട്. 100 ഏക്കറിലധികമുള്ള തരിശുകിടന്ന കുന്നിന് പ്രദേശം വര്ഷങ്ങള് നീണ്ട പ്രയന്തം കൊണ്ട് പച്ചപിടിപ്പിച്ചയാളാണ് ബാലന്. വേനല്ക്കാലത്ത് കാട്ടിലെത്തി വന്യമൃഗങ്ങള്ക്ക് ഭക്ഷണവും വെള്ളവും നല്കുക, മലയിലെ പാറകള്ക്കിടയില് കുഴി ഉണ്ടാക്കി പക്ഷികള്ക്കും പ്രാണികള്ക്കും വെള്ളം എത്തിക്കുക തുടങ്ങിയ കാര്യങ്ങളും അദ്ദേഹം ചെയ്തിരുന്നു. വനംമിത്ര, കേരളമിത്ര, ബയോ ഡൈവേഴ്സിറ്റി, ഭൂമിമിത്ര തുടങ്ങിയ അവാര്ഡുകള് നേടിയിട്ടുണ്ട്.
പരിസ്ഥിതി പ്രവര്ത്തകന് കല്ലൂര് ബാലന് അന്തരിച്ചു
