തിരുവനന്തപുരം : പത്തനംതിട്ടയിലെ നഴ്സിങ് വിദ്യാര്ഥിയുടെ മരണത്തില് അന്വേഷണം നടത്താന് മന്ത്രി വീണ ജോര്ജ് ആരോഗ്യ സര്വകലാശാലക്ക് നിര്ദേശം നല്കി. സഹപാഠികളില് നിന്നുള്ള മാനസിക പീഡനമാണ് മരണകാരണമെന്നാണ് കുടുംബം ആരോപിച്ചിരുന്നു. തുടര്ന്നാണ് നഴ്സിങ് വിദ്യാര്ഥിയുടെ മരണത്തില് അന്വേഷണം നടത്താന് മന്ത്രി നിര്ദേശം നല്കിയത്.
വെള്ളിയാഴ്ച ഉച്ചക്ക് ഹോസ്റ്റലിന്റെ മുകളില് നിന്നും ചാടിയാണ് തിരുവനന്തപുരം സ്വദേശിനിയായ നഴ്സിങ് വിദ്യാര്ഥി അമ്മു മരിച്ചത്. മരണത്തില് ദുരൂഹതയുണ്ടെന്നാണ് കുടുംബത്തിന്റെ ആരോപണം. റാഗിങ്ങും വ്യക്തിഹത്യയും സ്ഥിരമായി നേരിടേണ്ടി വന്നുവെന്നും അമ്മു കിടന്നുറങ്ങിയ മുറിയില് അതിക്രമിച്ച് കടക്കാന് സഹപാഠികള് ശ്രമിച്ചുവെന്നും കുടുംബം ആരോപിക്കുന്നു.
