തിരുവനന്തപുരം: സിദ്ധാര്ഥന്റെ മരണത്തില് നടക്കുന്ന അന്വേഷണം തൃപ്തികരമാണെന്ന് അച്ഛന് ജയപ്രകാശ്. കുറ്റവാളികളെ പിടിച്ചിട്ടുണ്ടല്ലോ. ഉദ്യോഗസ്ഥരില് വിശ്വാസമുണ്ട്. അതുകൊണ്ട് ഇപ്പോള് സി.ബി.ഐ അന്വേഷണം ആവശ്യപ്പെടുന്നില്ല. എന്നാല്, ഇവര്ക്കെതിരെ ചുമത്തുന്ന കുറ്റങ്ങള് നോക്കും. ഇതിനുശേഷമായിരിക്കും തുടര്നടപടികലെന്നും അദ്ദേഹം വ്യക്തമാക്കി.
”സിദ്ധാര്ഥന്റെ സുഹൃത്തുക്കളാണ് സിന്ജോയെ കുറിച്ച് എന്നോട് പറഞ്ഞത്. പറയാതെ പോയാല് സമാധാനം കിട്ടില്ലെന്ന് അവര് പറഞ്ഞു. പുറത്തുപറഞ്ഞാല് സിന്ജോ തലവെട്ടുമെന്ന് അവര് പറഞ്ഞു. സിന്ജോയും സുഹൃത്തുക്കളും ചേര്ന്ന് സിദ്ധാര്ഥിനെ ഹോസ്റ്റല് മുറിയിലിട്ട് തീര്ത്തുകളഞ്ഞ ശേഷം തൂക്കിയതാണെന്ന് അവര് പറഞ്ഞു. ആരോടും ഒന്നും പറയരുതെന്നും നിങ്ങള് പോരാടണമെന്നും ആവശ്യപ്പെട്ട് അവര് പോകുകയായിരുന്നു. ഇതിനുശേഷമാണ് മകന് ആത്മഹത്യ ചെയ്തതാണെന്ന തരത്തില് പ്രചാരണം നടക്കുന്നത്.” സിന്ജോയെ കുറിച്ച് അറിയുന്നതെല്ലാം പിന്നീടാണെന്നും ജയപ്രകാശ് പറഞ്ഞു.
