തിരുവനന്തപുരം: സിദ്ധാര്ഥന്റെ മരണത്തില് പൂക്കോട് വെറ്ററിനറി സര്വകലാശാല വി.സിയെ സസ്പെന്ഡ് ചെയ്ത് ഗവര്ണര്. ഡോ. എം.ആര് ശശീന്ദ്രനാഥിനെയാണ് സസ്പെന്ഡ് ചെയ്തത്. ചാന്സലര് കൂടിയായ ഗവര്ണര് ആരിഫ് മുഹമ്മദ് ഖാനാണ് ഉത്തരവിട്ടത്.
സംഭവത്തില് ജുഡിഷ്യല് അന്വേഷണത്തിനാണ് ഉത്തരവിട്ടതായി ഗവര്ണര് മാധ്യമങ്ങളോട് പറഞ്ഞു. ഇതിനായി ഹൈക്കോടതി ജഡ്ജിയുടെ സേവനം ആവശ്യപ്പെട്ടു കത്തയച്ചിട്ടുണ്ട്. ഹൈക്കോടതി മറുപടിയുടെ അടിസ്ഥാനത്തില് കമ്മിറ്റിയെ നിയോഗിക്കുമെന്നും ഗവര്ണര് അറിയിച്ചു.
