കോഴിക്കോട്: കുന്ദമംഗലം ഗവ.ആർട്സ് ആൻഡ് സയൻസ് കോളേജിൽ യൂണിയന്‍ തെരഞ്ഞെടുപ്പില്‍ കെ എസ് യു- എം എസ് എഫ് സഖ്യത്തിന് വിജയം. മുഴുവന്‍ ജനറല്‍ സീറ്റും സഖ്യം നേടി. ഹൈക്കോടതി നിര്‍ദേശമനുസരിച്ച് നടത്തിയ റി പോളിങ് ഫലം കൂടി ചേര്‍ത്താണ് ഫല പ്രഖ്യാപനം നടത്തിയത്. ചെയര്‍മാന്‍ മുഹസിന്‍ പി.എം. ജനറല്‍ സെക്രട്ടറി ആദിത്യന്‍ വി കെ.ബാലറ്റ് പേപ്പര്‍ നശിപ്പിച്ച ബൂത്ത് രണ്ടിലായിരുന്നു റീപോളിങ്.
കോളേജ് യൂണിയന്‍ തെരഞ്ഞെടുപ്പിനിടെ സംഘര്‍ഷമുണ്ടായ സാഹചര്യത്തിലാണ് കുന്ദമംഗലം ഗവണ്‍മെന്റ് കോളേജില്‍ വീണ്ടും തെരഞ്ഞെടുപ്പ് നടത്താന്‍ തീരുമാനിച്ചത്. വോട്ടെണ്ണലിനിടെ എസ്.എഫ്.ഐ പ്രവര്‍ത്തകര്‍ ബാലറ്റ് പേപ്പര്‍ കീറിയെറിഞ്ഞെന്ന കെ.എസ്.യു ആരോപണത്തെ തുടര്‍ന്ന് പ്രിന്‍സിപ്പല്‍ ഡോ. ജിസ ജോസ് വീണ്ടും തെരഞ്ഞെടുപ്പ് പ്രഖ്യാപിച്ചത്.
