ജാതി സെൻസസുമായി കോൺഗ്രസ് മുന്നോട്ട് പോകുമെന്ന് രാഹുൽ ഗാന്ധി എം പി. ഇക്കാര്യം കോണ്ഗ്രസ് വര്ക്കിങ് കമ്മിറ്റി അംഗീകരിച്ചെന്നും തിരഞ്ഞെടുപ്പ് പ്രഖ്യാപനത്തിന് പിന്നാലെ മാധ്യമങ്ങളോട് രാഹുൽ ഗാന്ധി പറഞ്ഞു. വരുന്ന തിരഞ്ഞെടുപ്പില് ജാതി സെന്സസ് പ്രധാന പ്രചരണ വിഷയമാക്കാന് പ്രമേയം പാസാക്കി. കോണ്ഗ്രസ് ഭരിക്കുന്ന മറ്റ് സംസ്ഥാനങ്ങളില് സെൻസസ് നടപ്പാക്കാനാണ് ആലോചന. പുരോഗമനപരമായ ഒരു കാഴ്ചപ്പാടാണ് തീരുമാനമെന്ന് കരുതുന്നു. ഇന്ത്യാ സഖ്യത്തിലെ ഭൂരിപക്ഷം പാര്ട്ടികളും ജാതി സെന്സസിന് അനുകൂലമാണെന്നും രാഹുല് വ്യക്തമാക്കി.
രാജ്യത്തിന്റെ നന്മയ്ക്ക് ജാതി സെന്സസ് അനിവാര്യമാണ്. എന്നാൽ സെൻസസ് പ്രാവർത്തികമാക്കാൻ പ്രധാനമന്ത്രിക്ക് കഴിവില്ല. കോണ്ഗ്രസിന്റെ നാല് മുഖ്യമന്ത്രിമാരില് മൂന്ന് പേരും ഒ.ബി.സി വിഭാഗത്തില് നിന്നാണ്. അതേസമയം, 10 ബിജെപി മുഖ്യമന്ത്രിമാരിൽ ഒരു മുഖ്യമന്ത്രി മാത്രമാണ് ഒബിസി വിഭാഗത്തിൽ നിന്നുള്ളതെന്നും രാഹുൽ ചൂണ്ടിക്കാട്ടി.
