കുന്നമംഗലം: റോഡില് നിന്ന് കളഞ്ഞ് കിട്ടിയ പണവും സ്വര്ണവും മറ്റു രേഖകളുമടങ്ങിയ പേഴ്സ് ഡ്രൈവിങ്ങ് ലൈസന്സിലെ വിലാസം നോക്കി ഉടമയെ കണ്ടെത്തി തിരിച്ചേല്പ്പിച്ച് കുന്നമംഗലത്തെ ഓട്ടോ ഡ്രൈവര്മാര്ക്ക് അഭിമാനമായ കോട്ടാം പറമ്പ് കിഴക്കേ ചാലില് കെ പി സിദ്ദിഖിനെ സൂര്യ റസിഡന്റ്സ് അസോസിയേഷന് അര്ധ വാര്ഷിക സമ്മേളനത്തില് ആദരിച്ചു.
സൂര്യ കുടുംബത്തിലെ നെല്ലിക്കല് സുധീഷിന്റെ പേഴ്സായിരുന്നു യാത്രക്കിടെ നഷ്ടപ്പെട്ടത്. ചടങ്ങില് അധ്യക്ഷനായിരുന്ന പി രവീന്ദ്രനാഥന് സിദ്ദിഖിനെ പൊന്നാടയണിയിച്ചു. എം കെ സുഭാഷ് മെമന്റൊ കൈമാറി. സി വി ഗോപാലകൃഷ്ണന്, എം സി സവിനേഷ് എന്നിവര് സംസാരിച്ചു. കെ സി സിദ്ദിഖ് സ്വീകരണത്തിന് നന്ദി പ്രകാശിപ്പിച്ചു. സൂര്യ സെക്രട്ടറി പി അനീഷ് കുമാര് സ്വാഗതവും സോപാനം ബാബുരാജ് നന്ദിയും പറഞ്ഞു.
