തിരുവനന്തപുരം: സ്ക്കൂളുകളിലും കോളേജുകളിലും യൂണിയന് പ്രവര്ത്തനങ്ങള് നിയമവിധേയമാക്കാന് മന്ത്രിസഭായോഗത്തില് തീരുമാനം. ഇതിനായി നിയമസഭയില് പുതിയ ബില്ല് കൊണ്ടുവരാനാണ് തീരുമാനം.
ഇതു സംബന്ധിച്ച കരട് ബില്ലിന് മന്ത്രിസഭ അംഗീകാരം നല്കി. വിദ്യാര്ത്ഥികളുടെയും രക്ഷിതാക്കളുടെയും ന്യായമായ പരാതികള്ക്ക് പരിഹാരം കാണാനുള്ള അതോറിറ്റി രൂപീകരണം ബില്ലില് ഉള്പ്പെടുന്നുണ്ട്. ജില്ലാ ജഡ്ജിയായി സേവനമനുഷ്ഠിച്ച വ്യക്തിയോ ജില്ലാ ജഡ്ജിയാകാന് യോഗ്യതയുള്ള അഭിഭാഷകനോ അധ്യക്ഷനായി പരാതി പരിഹാര അതോറിറ്റി രൂപീകരിക്കണമെന്നാണ് ബില്ലില് നിര്ദേശിച്ചിട്ടുള്ളത്.
സ്കൂളുകളില് യൂണിയന് പ്രവര്ത്തനം നിരോധിക്കണമെന്ന ഹര്ജി പരിഗണിക്കവെ സ്ക്കൂളിലെ യൂണിയന് പ്രവര്ത്തനങ്ങള് എന്ത് കൊണ്ട് നിയമ വിധേയമാക്കി കൂടെ എന്ന് ഹൈക്കോടതി ചോദിച്ചിരുന്നു. തുടര്ന്നാണ് എ.ജിയുടെ ശുപാര്ശയില് യൂണിയന് പ്രവര്ത്തനം നിയമ വിധേയമാക്കാന് സര്ക്കാര് തീരുമാനിച്ചത്.
