തിരുവനന്തപുരം: സര്ക്കാര് വാഹനങ്ങള്ക്കെല്ലാം ഇനി മുതല് കെഎല് 90 എന്ന റജിസ്ട്രേഷന് സീരീസ് നല്കുന്നതു സംബന്ധിച്ച് കരട് വിജ്ഞാപനം പുറത്തിറക്കി. കെഎല് 90, കെഎല് 90 ഡി സീരീസിലാണ് സംസ്ഥാന സര്ക്കാര് വാഹനങ്ങള് റജിസ്റ്റര് ചെയ്യുക. കേന്ദ്രസര്ക്കാര് വാഹനങ്ങൾക്ക് കെഎല് 90 എ, കെഎല് 90 ഇ എന്നീ നമ്പറുകള് ആയിരിക്കും.
തദ്ദേശ സ്ഥാപനങ്ങളുടെ വാഹനങ്ങള് കെഎല് 90 ബി, കെഎല് 90 എഫ് എന്നാവും റജിസ്റ്റര് ചെയ്യുക. കെഎസ്ആര്ടിസിയുടെ നമ്പര് കെഎല് 15 ആയി തന്നെ തുടരും. അര്ധ സര്ക്കാര്സ്ഥാപനങ്ങള്, ബോര്ഡുകള്, വിവിധ കോർപറേഷനുകള്, സര്വകലാശാലകള് എന്നിവയ്ക്ക് കെഎല് 90 സി സീരീസിലും റജിസ്ട്രേഷന് നല്കും.
