കോഴിക്കോട് ജില്ലയില് കനത്ത മഴ തുടരുന്നതിനാലും റെഡ് അലേര്ട്ട് പ്രഖ്യാപിച്ച സാഹചര്യത്തിലും ദുരന്ത നിവാരണ അതോറിറ്റി ചെയര്മാന് കൂടിയായ ജില്ലാ കളക്ടര് ജില്ലയിലെ ക്വാറികളുടെ പ്രവര്ത്തനം, എല്ലാ തരത്തിലുമുള്ള മണ്ണെടുക്കല്, ഖനനം, കിണര് നിര്മ്മാണ പ്രവര്ത്തനങ്ങള്, മണല് എടുക്കല് എന്നിവ കര്ശനമായി നിര്ത്തിവെച്ച് ഉത്തരവായി. ജില്ലയില് വെള്ളച്ചാട്ടങ്ങള്, നദീതീരങ്ങള്, ബീച്ചുകള് ഉള്പ്പെടെ എല്ലാ ജലാശയങ്ങളിലേക്കുമുള്ള പ്രവേശനം ഇനിയൊരറിയിപ്പ് ഉണ്ടാകുന്നതുവരെ പൂര്ണ്ണമായും നിരോധിച്ചിട്ടുണ്ട്. ഉരുള്പൊട്ടല് ഭീഷണി നിലനില്ക്കുന്ന മലയോര പ്രദേശങ്ങള്, ചുരം മേഖലകള് എന്നിവിടങ്ങളിലേക്ക് രാത്രി ഏഴ് മുതല് രാവിലെ ഏഴ് വരെ അടിയന്തിര യാത്രകള് അല്ലാത്തവ ഒഴിവാക്കേണ്ടതാണ്.
കോഴിക്കോട് ജില്ലയില് ക്വാറി പ്രവർത്തനം നിർത്താൻ ഉത്തരവ്; ബീച്ചുകളിലേക്കും വെള്ളച്ചാട്ടങ്ങളിലേക്കും പ്രവേശനമില്ല
