വയനാട് മേപ്പാടി മുണ്ടക്കൈയില് വൻ ഉരുള്പൊട്ടൽ. ഇന്ന് പുലര്ച്ചെ മുണ്ടക്കൈയിൽ ഉരുള്പ്പൊട്ടിയത് രണ്ടു തവണ. ഇതേതുടര്ന്നുണ്ടായ മണ്ടിടിച്ചിലിലും മലവെള്ളപ്പാച്ചിലിലും പലസ്ഥലങ്ങളും ഒറ്റപ്പെട്ടു. നിരവധി പേര്ക്ക് പരിക്കേറ്റതായാണ് വിവരം. പതിനഞ്ചുപേരുടെ മരണം സ്ഥിരീകരിച്ചു. മേപ്പാടിയും മുണ്ടക്കൈയും ചൂരല്മലയും ഉള്പ്പെടെ പ്രദേശത്തെ പല സ്ഥലങ്ങളും ഒറ്റപ്പെട്ടു. ചൂരല്മല-മുണ്ടക്കൈ റോഡ് ഒലിച്ചുപോയി.വയനാട് മേപ്പാടി മുണ്ടക്കൈയിലുണ്ടായത് വൻ ദുരന്തം. വെള്ളാര്മല സ്കൂള് പൂര്ണമായും വെള്ളത്തിനടിയിലായി. ഉരുള്പൊട്ടലില് കനത്ത നാശമാണ് ഉണ്ടായത്. വയനാട് ഇതുവരെ കാണാത്ത അത്ര വലിയ ദുരന്തമാണ്.മുണ്ടക്കൈയിൽ പുലര്ച്ചെ ഒരു മണിക്കും പിന്നീട് നാലു മണിക്കുമായി രണ്ടു തവണയാണ് ഉരുള്പൊട്ടിയത്. അര്ധരാത്രിയിലെ ഉരുള്പൊട്ടലിനുശേഷം രക്ഷാപ്രവര്ത്തനം നടക്കുന്നതിനിടെയാണ് വീണ്ടും ഉരുള്പൊട്ടലുണ്ടായത്.400ലധികം കുടുംബങ്ങളെയൊണ് ഉരുള്പൊട്ടല് ബാധിച്ചത്. നിരവധി പേര് അപകടത്തില്പെട്ടിട്ടുണ്ടാകാമെന്നാണ് വിവരം. രക്ഷാപ്രവര്ത്തനം തുടരുകയാണ്. നിരവധി പേരെ കാണാനില്ലെന്ന വീട്ടുകാരുടെ സഹായഅഭ്യര്ഥനകളും പുറത്തുവരുന്നുണ്ട്. കാണാതായവരെ കണ്ടെത്താനുള്ള ശ്രമങ്ങള് തുടരുകയാണ്.റവന്യു മന്ത്രി കെ രാജൻ, മന്ത്രി ഒആര് കേളു ഉള്പ്പെടെയുള്ളവര് വയനാട്ടിലേക്ക് തിരിച്ചു.എന്ഡിആര്എഫ് സംഘവും സ്ഥലത്തെത്തി. അതേസമയം, ദുരന്തത്തിന്റെ കൃത്യമായ ചിത്രം ഇതുവരെ ലഭിച്ചിട്ടില്ലെന്നും രക്ഷാപ്രവര്ത്തനം നടന്നുകൊണ്ടിരിക്കുകയാണെന്നും റവന്യു മന്ത്രി കെ രാജൻ പറഞ്ഞു. രക്ഷാപ്രവര്ത്തനത്തിന് ഹെലികോപ്ടര് സഹായം തേടുന്നുണ്ട്. അപകടത്തില് പെട്ട നിരവധി പേർപേര് മേപ്പാടിയിലെയും മറ്റ് സ്വകാര്യ ആശുപത്രിയില് ചികിത്സയിലാണ്. പാലം തകര്ന്നതോടെ അട്ടമലയിലേക്കും ചൂരല്മലയിലേക്കും ആളുകള്ക്ക് എത്താൻ കഴിഞ്ഞിട്ടില്ല. അട്ടമലയിലെയും ചൂരല്മലയിലെയും ആളുകളെ പുറത്തെത്തിക്കാനുള്ള നീക്കം തുടരുകയാണ്.കണ്ട്രോള് റും തുറന്നു.ഉരുൾപൊട്ടലടക്കമുള്ള വയനാട് ജില്ലയിലെ മഴക്കെടുതിയുടെ പശ്ചാത്തലത്തിൽ ആരോഗ്യ വകുപ്പ് -ദേശീയ ആരോഗ്യ ദൗത്യം കൺട്രോൾ റൂം തുറന്നു. അടിയന്തര സാഹചര്യങ്ങളിൽ സഹായം ലഭ്യമാവാൻ 9656938689, 8086010833 എന്നീ നമ്പറുകളിൽ ബന്ധപ്പെടാം.
വയനാട് ഇതുവരെ കാണാത്ത അത്ര വലിയ ദുരന്തം!മുണ്ടക്കൈയിൽ ഉരുള്പൊട്ടൽ
