കൊറോണ വ്യാപനത്തിന്റെ പശ്ചാത്തലത്തില് രാജ്യത്തു നടപ്പാക്കിയിരിക്കുന്ന 21 ദിവസത്തെ ലോക്ഡൗണ് നീട്ടുമെന്നുള്ള പ്രചാരണം അടിസ്ഥാനരഹിതമാണെന്നു കേന്ദ്രസര്ക്കാര്. ഇതു സംബന്ധിച്ചു പുറത്തുവരുന്ന അഭ്യൂഹങ്ങളും വാര്ത്തകളും തെറ്റാണെന്ന് ക്യാബിനറ്റ് സെക്രട്ടറി രാജീവ് ഗൗബ പറഞ്ഞു. അത്തരം യാതൊരു ആലോചനകളും നടക്കുന്നില്ലെന്നും രാജീവ് ഗൗബ പറഞ്ഞു.
വൈറസ് വ്യാപനത്തിന്റെ ചെയിന് മുറിക്കാനാണ് 21 ദിവസത്തെ ലോക്ഡൗണ് പ്രധാനമന്ത്രി നരേന്ദ്ര മോദി പ്രഖ്യാപിച്ചത്. അതു കൃത്യമായി പാലിക്കുക. വീടുകളില് തന്നെ തുടരുക-രാജീവ് ഗൗബ പറഞ്ഞു.
ലോക്ഡൗണ് നീട്ടുമെന്നുള്ള പ്രചാരണം അടിസ്ഥാനരഹിതം; കേന്ദ്രസര്ക്കാര്
