തിരുവനന്തപുരം : റേഷൻ കാർഡില്ലാത്ത കാരണം ദുരിതമനുഭവിക്കുന്നവർക്ക് സഹായവുമായി സർക്കാർ. അർഹതയുള്ളവർക്ക് ഇതു വരെ റേഷൻ കാർഡുകൾ ലഭിച്ചിട്ടില്ലയെങ്കിൽ നിലവിൽ അക്ഷയ സെന്റർ വഴി അപേക്ഷ നൽകാവുന്നതാണ്. കുടുംബങ്ങളുടെ അപേക്ഷ ലഭിച്ച് 24 മണിക്കൂറിനകം കാർഡ് ലഭ്യമാകും .
സർക്കാർ നൽകുന്ന ഭക്ഷ്യധാന്യങ്ങൾ റേഷൻ കാർഡില്ലാത്തതിനാൽ പലർക്കും വാങ്ങാൻ കഴിയാത്തതിനാലാണ് നടപടി. സംസ്ഥാനത്ത് കുടുംബമായി സ്ഥിരതാമസമുള്ളവർ ആധാർ കാർഡുമായി അപേക്ഷ നൽകണം. രേഖകളുടെ ആധികാരികത ഉറപ്പാക്കാനായില്ലെങ്കിൽ സത്യവാങ്മൂലം എഴുതിവാങ്ങി താൽക്കാലിക കാർഡ് നൽകും. ഈ രീതിയിൽ റേഷൻ വിഹിതം വാങ്ങാവുന്നതാണ്. ഇങ്ങനെ കാർഡ് ഇല്ലാത്ത 33,000 പേരാണ് സത്യവാങ്മൂലവും ആധാർ കാർഡും ഉപയോഗിച്ച് സൗജന്യ റേഷൻ വാങ്ങിയത്.