തിരുവനന്തപുരം: നിയമസഭ അന്തര്ദേശീയ പുസ്തകോത്സവത്തിന്റെ പ്രചാരണത്തിനായി നിയമസഭാ സ്പീക്കര് എ.എന്. ഷംസീര് സോഷ്യല് മീഡിയയില് വ്യത്യസ്തമായ ഒരു പോസ്റ്റ് പങ്കുവെച്ചു.
ഏഴു മുതല് 13 വരെ നടക്കുന്ന ഈ ഉത്സവത്തിലേക്ക് യുവാക്കളെ ആകര്ഷിക്കുകയാണ് ലക്ഷ്യം.
‘ഹലോ ഗയ്സ്… ഉത്സവ വൈബിലേക്ക് നിയമസഭ ഒരുങ്ങുകയാണ്… ഉത്സവമാണ്… കലാ സാംസ്കാരിക നമ്മേളനങ്ങളുടെ, നിറവാര്ന്ന വര്ണ്ണ ഘോഷങ്ങളുടെ , വായനയുടെ, വാദ മുഖങ്ങളുടെ എല്ലാം സംഗമിക്കുന്ന ഉത്സവ കാലമാണ് … ഇനിയും നിയമസഭ കാണാത്തവര്ക്ക് ഒരു തടസ്സവുമില്ലാതെ സഭാ ഗേറ്റിനകത്തേക്ക് 7 മുതല് 13 വരെ നിങ്ങള്ക്കും കയറാം …. Come On all And enjoy….’ എന്നാണ് സ്പീക്കറുടെ ഫേസ്ബുക്ക് പോസ്റ്റില് പറയുന്നത്.
ന്യൂ ജനറേഷന് വാക്കുകള് ഉപയോഗിച്ച് തയ്യാറാക്കിയ ഈ പോസ്റ്റ് സോഷ്യല് മീഡിയയില് വൈറലായിക്കഴിഞ്ഞു.
നിയമസഭയുടെ അകത്തളങ്ങള് സന്ദര്ശിക്കാന് ആഗ്രഹിക്കുന്ന എല്ലാവര്ക്കും ഈ അവസരം പ്രയോജനപ്പെടുത്താമെന്നും സ്പീക്കര് അറിയിച്ചു.
