ന്യൂഡല്ഹി: ഉരുള്പൊട്ടലുണ്ടായ വയനാടിന് കേന്ദ്രസഹായം തേടി മുഖ്യമന്ത്രി പിണറായി വിജയന് ഇന്ന് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തും. സംസ്ഥാനത്തിന്റെ ആവശ്യങ്ങള് സംബന്ധിച്ച് സംസ്ഥാന സര്ക്കാര് തയാറാക്കിയ വിശദമായ നിവേദനം പ്രധാനമന്ത്രിക്ക് മുഖ്യമന്ത്രി കൈമാറും. കേന്ദ്ര സഹായം ലഭിക്കാനുള്ള നടപടികള് വേഗത്തിലാക്കാനും പിണറായി വിജയന് ആവശ്യപ്പെടും.
ഉരുള്പൊട്ടലുണ്ടായ വയനാട്ടിലെ ദുരന്തബാധിത മേഖലകളില് പ്രധാനമന്ത്രി നരേന്ദ്രമോദി സന്ദര്ശനം നടത്തിയിരുന്നു. ദുരന്തബാധിതരെ നേരിട്ടു കണ്ട പ്രധാനമന്ത്രി, കല്പ്പറ്റയില് ചേര്ന്ന അവലോകന യോഗത്തിലും പങ്കെടുത്തു. കേന്ദ്രത്തിന്റെ ഭാഗത്തു നിന്നും എല്ലാ സഹായവും ഉറപ്പു നല്കിയ മോദി, സംസ്ഥാന സര്ക്കാരിനോട് വിശദമായ നിവേദനം നല്കാനും ആവശ്യപ്പെട്ടിരുന്നു.
