താമരശ്ശേരി: ചുരത്തില് എട്ടാം വളവിനടുത്ത് സംരക്ഷണഭിത്തി വേഗം നിര്മ്മിക്കണമെന്ന് ജില്ലാ വികസന സമിതി തീരുമാനം. വളവിനു സമീപം മണ്ണിടിഞ്ഞ് സുരക്ഷാഭീഷണി ഉണ്ടെന്ന് ജോര്ജ് എം തോമസ് എംഎല്എ അറിയിച്ചതിനെ തുടര്ന്നാണ് ഈ തീരുമാനം. ഇതിനായി ഏകദേശം അഞ്ചു സെന്റോളം വനഭൂമി ഏറ്റെടുക്കേണ്ടി വരുമെന്ന് ദേശീയപാത വിഭാഗം അറിയിച്ചു.
ഇതിനുള്ള നടപടികള് സ്വീകരിക്കാനും ദുരന്തനിവാരണ നിയമ പ്രകാരം സംരക്ഷണഭിത്തി കെട്ടാനും ജില്ലാ കലക്ടര് സാംബശിവറാവു നിര്ദ്ദേശിച്ചു. എംഎല്എയുടെ നേതൃത്വത്തില് നേരത്തെ വിവിധ വകുപ്പ് ഉദ്യോഗസ്ഥര് പ്രദേശത്ത് സന്ദര്ശനം നടത്തുകയും അനധികൃതമായി നടത്തിയിരുന്ന പെട്ടിക്കടകള് മാറ്റാന് ഉത്തരവ് നല്കുകയും ചെയ്തിട്ടുണ്ട് എന്ന് യോഗത്തില് അറിയിച്ചു.
