ഇന്ത്യയില് കഴിഞ്ഞ 24 മണിക്കൂറിനിടെ 60,975 പേര്ക്കാണ് പുതിയതായി കോവിഡ്-19 സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ചവരുടെ ആകെ എണ്ണം 31,67,324 ആയി. 24 മണിക്കൂറിനിടെ 848 പേരാണ് മരണപ്പെട്ടത്. ഇതോടെ ആകെ മരണസംഖ്യ 58390 ആയി. 2404585 പേര്ക്ക് ഇതുവരെ രോഗം ഭേദമായി. നിലവില് 704348 രോഗികളാണുള്ളതെന്ന് കേന്ദ്രആരോഗ്യമന്ത്രാലയം പുറത്തുവിട്ട കണക്കുകള് വ്യക്തമാക്കുന്നു.
മഹാരാഷ്ട്രയില് രോഗബാധിതരുടെ എണ്ണം ഏഴു ലക്ഷത്തോടുക്കുന്നു. ഇതുവരെ 6,93,398 പേര്ക്കാണ് രോഗം സ്ഥിരീകരിച്ചിട്ടുള്ളത്. തമിഴ്നാട്ടില് 3,85,352 പേര്ക്കും ആന്ധ്രാപ്രദേശില് 3,61,712 പേര്ക്കുമാണ് രോഗം. കര്ണാടകയില് 2,83,665 കേസുകള് റിപ്പോര്ട്ട് ചെയ്തിട്ടുണ്ട്. ഉത്തര്പ്രദേശില് ആകെ 1,92,382 കേസുകളും ഡല്ഹിയില് 1,62,527 കേസുകളും റിപ്പോര്ട്ട് ചെയ്തിട്ടുണ്ട്.
