കോഴിക്കോട് : കുന്ദമംഗലത്ത് ഒരു ആരോഗ്യ പ്രവർത്തകൻ ഉൾപ്പടെ രണ്ടു പേർക്ക് കോവിഡ് സ്ഥിരീകരിച്ചു. കുന്ദമംഗലം ഗ്രാമ പഞ്ചായത്തിലെ രണ്ടാം വാർഡ് സ്വദേശിയായ ആരോഗ്യ പ്രവർത്തകനാണ് കോവിഡ് സ്ഥിരീകരിച്ചത്. ഇദ്ദേഹം കോഴിക്കോട്ടെ സ്വകാര്യ ആശുപത്രിയിൽ നേഴ്സായി സേവനം അനുഷ്ഠിച്ചു വരുന്ന വ്യക്തിയാണ്.
ഇതിനു പുറമെ വാർഡ് നാലിൽ ഒരു സ്ത്രീയ്ക്കും കോവിഡ് സ്ഥിരീകരിച്ചു. ഇവരെ മണാശ്ശേരിയിലെ കെ എം സി ടി കോവിഡ് കെയർ സെന്ററിലേക്ക് തുടർ ചികിത്സക്കായി മാറ്റി. ഇരു പേരുമായി സമ്പർക്കമുള്ളവരെ കോവിഡ് പരിശോധനയ്ക്ക് വിധേയരാക്കും.