തിരുവനന്തപുരം: വയലിനിസ്റ്റ് ബാലഭാസ്കറിന്റെ അപകട സമയം താനല്ല വാഹനമോടിച്ചതെന്ന് ഡ്രൈവര് അര്ജുന്. സംഭവം നടക്കുന്ന സമയത്ത് ബാലഭാസ്കർ തന്നെയായിരുന്നു വാഹനമോടിച്ചത് അതിനാല് തനിക്ക് ഒരു കോടി രൂപ നഷ്ടപരിഹാരം തരണമെന്നും ആവശ്യപ്പെട്ട് ഡ്രൈവർ കോടതിയെ സമീപിച്ചു.
ബാലഭാസ്കറിന്റെ കുടുംബത്തെ എതിര് കക്ഷിയാക്കിയാണ് അര്ജുന്റെ ഹരജി.
അലക്ഷ്യമായ ബാലഭാസ്കറിന്റെ ഡ്രൈവിംങാണ് അപകടത്തിന് കാരണമായതെന്നും അര്ജുന് കോടതിയില് സമര്പ്പിച്ച ഹരജിയില് പറയുന്നു.
അപകടമുണ്ടാവുന്ന സമയത്ത് കാര് ഓടിച്ചിരുന്നത് ഡ്രൈവറായിരുന്ന അര്ജുന് ആയിരുന്നെന്ന് ഫോറന്സിക് പരിശോധനയില് കണ്ടെത്തിയിരുന്നു. അര്ജുന് തന്നെയാണ് കാറോടിച്ചിരുന്നതെന്ന് ലക്ഷ്മിയും മൊഴിനല്കിയിരുന്നു.
