സംസ്ഥാന ന്യൂനപക്ഷ ക്ഷേമ വകുപ്പിന്റെ കീഴിൽ നടക്കുന്ന പാസ് വേഡ് 2019 -20 കരിയർ ഗൈഡൻസ് പ്രോഗ്രാമിന്റെ രണ്ടാം ഘട്ടമായ ഫ്ളവറിങ്ങ് ദ്വിദിന ക്യാമ്പ് കോഴിക്കോട് ജില്ലയിൽ സപ്തമ്പർ 21, 22 തിയ്യതികളിൽ ചേവായൂരിലെ സിജി (CIGI) ഓഡിറ്റോറിയത്തിൽ വെച്ച് നടക്കകയാണ്. കാലടി സംസ്കൃത സർവ്വകലാശാല മുൻ വൈസ് ചാൻസലറും SCERT ഡയരക്ടറുമായ ഡോ. ജെ. പ്രസാദ് ക്യാമ്പിന്റെ ഔപചാരിക ഉദ്ഘാടനം 21 ന് രാവിലെ 10 മണിക്ക് നിർവ്വഹിക്കും.
ന്യൂനപക്ഷ ക്ഷേമ ഡയരക്ടർ ഡോ. എ.ബി.മൊയ്തീൻ കൂട്ടി അധ്യക്ഷത വഹിക്കും. വിദ്യാർത്ഥികളുമായുള്ള ഇന്റർ ആക്ടീവ് സെഷനിൽ ബഹു. ജില്ലാ കളക്ടർ സാംബശിവറാവു സംബന്ധിക്കും. ആഗസ്ത് മാസത്തിൽ സ്കൂൾ തലത്തിൽ നടന്ന ട്യൂണിംഗ് ക്യാമ്പുകളിൽ നിന്ന് തെരഞ്ഞെടുക്കപ്പെടുന്ന നൂറ് പേരാണ് ക്യാമ്പിൽ പങ്കെടുക്കുക.
കരിയർ പ്ലാനിങ്ങും ലക്ഷ്യനിർണയവും, പ0ന ഗവേഷണം പ്രീമിയർ ഇൻസ്റ്റിറ്റ്യൂട്ടുകളിലും സെൻട്രൽ യൂണിവേഴ്സിറ്റികളിലും, ഉന്നത കേന്ദ്ര-സംസ്ഥാന തൊഴിൽ മേഖലകളും എൻറർ പ്രണർഷിപ്പും, പ0ന ഗവേഷണ ശാലയിലെ പുതിയ മാറ്റങ്ങൾ, ഇന്റർനെറ്റ് – IT സാധ്യതകൾ തുടങ്ങിയ സെഷനുകൾ വി്ദഗ്ദർ കൈകാര്യം ചെയ്യും. 12 ക്യാമ്പുകളിൽ നിന്നമായി 120 മികച്ച വിദ്യാർത്ഥികളെയാണ് സംസ്ഥാന തലത്തിൽ അടുത്ത ഘട്ടമായ ‘എക്സ്പ്ലോറിങ്ങ് ഇന്ത്യ’ ,യിലേക്ക് തെരഞ്ഞെടുക്കുന്നത്.