പുതിയ മന്ദിരത്തിലെ ആദ്യ ബില്ലായി വനിതാ സംവരണ ബില്ല് അവതരിപ്പിച്ചു. കേന്ദ്ര നിയമമന്ത്രി അർജുൻ രാം മേഘ്വാൾ 128ാം ഭരണഘടനാ ഭേദഗതിയായാണ് ലോക്സഭയിൽ ബിൽ അവതരിപ്പിച്ചത്.
ബിൽ നിയമമായാൽ ഇന്ത്യൻ ജനാധിപത്യ ചരിത്രത്തിലെ നാഴികക്കല്ലായി മാറും. അതേ സമയം, മണ്ഡല പുനനിർണയത്തിന് ശേഷം മാത്രമേ വനിതാ സംവരണം നടപ്പാക്കൂ എന്നാണ് ബില്ലിലെ വ്യവസ്ഥ അത് കൊണ്ട് തന്നെ
ബില് നിയമമാകുന്നതോടെ ഇന്ത്യന് ജനാധിപത്യ ചരിത്രത്തില് സുപ്രധാന നാഴികകല്ലായി മാറും. 2024ലെ ലോക്സഭാ തിരഞ്ഞെടുപ്പിൽ വനിതാ സംവരണം നടപ്പിലാകില്ല. 33 ശതമാനം വനിതാ സംവരണം രാജ്യത്ത് ഉടനീളം നടപ്പിലാകുന്നതോടെ കേരള നിയമസഭയില് 46 വനിതാ എം.എല്.എ മാര് ഉണ്ടാകും. നിലവിലെ സഭയില് 11 പേരാണ് വനിതകളുള്ളത്. ഭരണപക്ഷത്ത് പത്തും പ്രതിപക്ഷത്ത് ഒന്നും. ലോക്സഭയിലേക്ക് കേരളത്തില് നിന്നുള്ള 20 എം.പിമാരില് ആറ് പേര് വനിതകള് ആയിരിക്കും.
നിയമനിര്മാണ സഭകളിലേക്കുള്ള തിരഞ്ഞെടുപ്പുകളില് മൂന്നിലൊന്ന് സീറ്റില് സ്ത്രീകള്ക്ക് സംവരണം ഉറപ്പാക്കുന്നതാണ് വനിതാ സംവരണബില്. അതുവഴി ലോക്സഭയിലും സംസ്ഥാന നിയമസഭകളിലും സ്ത്രീകള്ക്ക് 33 ശതമാനം സംവരണം ഉറപ്പാകും. ബില് പ്രകാരം പട്ടിക ജാതി-വര്ഗ സംവരണ സീറ്റുകളിലും മൂന്നിലൊന്ന് സീറ്റ് ആ വിഭാഗങ്ങളില്നിന്നുള്ള സ്ത്രീകള്ക്കായി മാറ്റിവെക്കണം. ഈ സംവരണ സീറ്റുകള് ചാക്രിക ക്രമത്തില് മാറും. യു.പി.എ. ഭരണകാലത്ത് 2008-ല് കൊണ്ടുവന്ന ബില് 2010-ല് രാജ്യസഭ പാസാക്കിയിരുന്നു. പിന്നീട് പത്തുവര്ഷത്തിലേറെയായിട്ടും ബില് ലോക്സഭയില് വന്നില്ല.
