തിരുവനന്തപുരം: സര്ക്കാര് ആശുപത്രികളില് ഡിവൈഎഫ്ഐ നടത്തി വരുന്ന പൊതിച്ചോറ് വിതരണവുമായി ബന്ധപ്പെട്ട വിവാദം ചൂടുപിടിക്കവേ പാര്ട്ടിയുടെ പേരും കൊടിയും വെച്ചല്ല പൊതിച്ചോറ് കൊടുക്കേണ്ടതെന്ന് ആവര്ത്തിച്ച് ആരോഗ്യമന്ത്രി കെ മുരളീധരന് രംഗത്തെത്തി. ആശുപത്രിയുടെ അകത്ത് ഉത്തരവാദിത്തം മന്ത്രിക്കാണെന്നും ഡിവൈഎഫ്ഐക്ക് അല്ലെന്നും മുരളീധരന് ആറന്മുളയില് മാധ്യമങ്ങളോട് സംസാരിക്കവെ പ്രതികരിച്ചു. ഡിവൈഎഫ്ഐക്കെതിരെ തുറന്നടിച്ചായിരുന്നു ആരോഗ്യമന്ത്രിയുടെ പ്രതികരണം.
ആശുപത്രിക്ക് അകത്ത് സര്ക്കാരിനാണ് ഉത്തരവാദിത്തമെന്ന് പറഞ്ഞ മുരളീധരന് കമ്മ്യൂണിറ്റി കിച്ചന് ആലപ്പുഴ ജില്ലയില് ആദ്യം ആരംഭിക്കുമെന്നും വ്യക്തമാക്കി. ‘സന്നദ്ധ സംഘടനകളുമായി ചര്ച്ച നടത്തും. ഒരു കാരണവശാലും ആശുപത്രിക്കകത്ത് ഒരു പാര്ട്ടിയെയും കയറാന് അനുവദിക്കില്ല. രാഷ്ട്രീയ പ്രവര്ത്തനം ആശുപത്രിക്ക് അകത്തു വേണ്ട. പൊതിച്ചോറ് പാര്ട്ടിയുടെ പേരും കൊടിയും വെച്ചല്ല കൊടുക്കേണ്ടത്. അതിന് സര്ക്കാര് സമ്മതിക്കില്ല. രാഷ്ട്രീയപാര്ട്ടികളുടെ അടിസ്ഥാനത്തില് അല്ല സഹായിക്കേണ്ടത്. തീരുമാനം യുഡിഎഫ് സര്ക്കാരിന്റേതാണ്. കമ്മ്യൂണിറ്റി കിച്ചനിലൂടെ ഭക്ഷണം കൊടുക്കും. ഡിവൈഎഫ്ഐ, യൂത്ത് കോണ്ഗ്രസ്, സേവാഭാരതി അങ്ങനെ ഒരു സംഘടനയും ഭക്ഷണം കൊടുക്കുന്ന കാര്യത്തില് വേണ്ട. ഇടതു കൈ കൊടുക്കുന്നത് വലതു കൈ അറിയരുത് എന്നാണ്’, മന്ത്രി കെ മുരളീധരന് പറഞ്ഞു.
ആരോഗ്യമന്ത്രിക്ക് ഈഗോ ആണെന്നാണ് പിഎ മുഹമ്മദ് റിയാസ് എംഎല്എ വിഷയത്തില് പ്രതികരിച്ചത്. കൊടിയുടെ നിറം നോക്കിയല്ല ഭക്ഷണം കൊടുക്കുന്നതെന്ന് ഡിവൈഎഫ്ഐ സംസ്ഥാന പ്രസിഡന്റ് വി വസീഫും പറഞ്ഞു.
