കൊവിഡ് പശ്ചാത്തലത്തില്‍ ആലുവ മണപ്പുറത്ത് ഇക്കുറി ബലിതര്‍പ്പണം നടത്തില്ല. ആലുവ നഗരസഭ കണ്ടെയ്ന്‍മെന്റ് സോണ്‍ ആയ സാഹചര്യത്തിലാണ് ബലിതര്‍പ്പണ ചടങ്ങുകള്‍ ഒഴിവാക്കുന്നത്. കര്‍ക്കിടക വാവ് ദിനമായ നാളെ ഭക്തരുടെ ക്ഷേത്രപ്രവേശനവും അനുവദിക്കില്ലെന്ന് ദേവസ്വം ബോര്‍ഡ് അഡ്മിനിസ്ട്രേറ്റര്‍ അറിയിച്ചു.
കൊവിഡ് വ്യാപനത്തെത്തുടര്‍ന്ന് ക്ഷേത്രങ്ങളിലെ കര്‍ക്കിടക വാവ് ബലിതര്‍പ്പണം ഉപേക്ഷിക്കാന്‍ തിരുവിതാംകൂര്‍ ദേവസ്വംബോര്‍ഡ് തീരുമാനിച്ചിരുന്നു. കഴിഞ്ഞ 10 വര്‍ഷത്തിനിടെ ഇത് മൂന്നാമത്തെ തവണയാണ് ബലി തര്‍പ്പണ ചടങ്ങുകള്‍ ഒഴിവാക്കുന്നത്. 2013, 2018 വര്‍ഷങ്ങളില്‍ പ്രളയത്തെത്തുടര്‍ന്ന് ബലിതര്‍പ്പണ ചടങ്ങുകള്‍ ഒഴിവാക്കിയിരുന്നു.
