കുന്ദമംഗലം: ഗ്രാമപഞ്ചായത്ത് പരിധിയിൽ MEC7 ഹെൽത്ത് ക്ലബ്ബുകളുടെ പ്രവർത്തനം വിപുലീകരിക്കുന്നതിനും ആവശ്യമായ അടിസ്ഥാന സൗകര്യങ്ങളും പിന്തുണയും ലഭ്യമാക്കുന്നതിനും നിവേദനം സമർപ്പിച്ചു.
MEC7 സെന്റർ കോർഡിനേറ്റർമാരായ ദാവൂദ് അലി, ജോൺ സി.സി., വിജയൻ വിജയശ്രീ എന്നിവർ ചേർന്ന് ഗ്രാമപഞ്ചായത്ത് പ്രസിഡന്റ് സി.വി. സംജിത്തിനും വികസന സ്റ്റാൻഡിങ് കമ്മിറ്റി ചെയർമാൻ ടി.കെ. ഹിതേഷ് കുമാറിനും നിവേദനം കൈമാറി.
പ്രദേശവാസികളുടെ കായികക്ഷമത വർധിപ്പിക്കുന്നതിലും ആരോഗ്യബോധം വളർത്തുന്നതിലും MEC7 ഹെൽത്ത് ക്ലബ്ബുകൾ വഹിക്കുന്ന പങ്കിനെ പഞ്ചായത്ത് അധികൃതർ അഭിനന്ദിച്ചു. ക്ലബ്ബുകളുടെ പ്രവർത്തന വിപുലീകരണത്തിന് ആവശ്യമായ പിന്തുണ നൽകുമെന്നും ഉറപ്പുനൽകി.
