ആലപ്പുഴ: പിഎസ്സി പത്താം ക്ലാസ് യോഗ്യതയുള്ള വിവിധ തസ്തികകളിലേക്ക് നടത്തുന്ന പ്രാഥമിക പരീക്ഷ റദ്ദാക്കി. ചോദ്യപേപ്പര് മാറിയതാണ് പരീക്ഷ റദ്ദാക്കാന് കാരണം. രാവിലെയും ഉച്ചക്കും രണ്ട് ഘട്ടങ്ങളിലായി പരീക്ഷാ നടത്തുമെന്നാണ് അറിയിച്ചിരുന്നത്. ഉച്ചക്ക് ശേഷം നടത്തേണ്ട പരീക്ഷയുടെ ചോദ്യപേപ്പറാണ് രാവിലെ നല്കിയത്. ആലപ്പുഴയിലെ ഒരു സ്കൂളില് ചോദ്യപേപ്പര് മാറിയെന്നാണ് ആദ്യം പുറത്തുവന്നിരുന്ന വിവരം. ഇതിന് പിന്നാലെ മറ്റു ജില്ലകളിലും ചോദ്യപേപ്പര് ചോര്ന്നതായി വ്യക്തമാവുകയായിരുന്നു.
ഉച്ചക്ക് ശേഷം 1.30 മുതല് 3.05 വരെ നടത്താനിരുന്ന പരീക്ഷയാണ് റദ്ദാക്കിയത്. സാങ്കേതിക കാരണങ്ങളാല് പരീക്ഷ റദ്ദാക്കി എന്നാണ് പിഎസ്സിയുടെ ഔദ്യോഗിക വിശദീകരണം. എല്ലാ ജില്ലകളിലും ചോദ്യപേപ്പര് മാറിയതായി റിപ്പോര്ട്ടുകള് വന്ന പശ്ചാത്തലത്തില് ചോദ്യപേപ്പര് വിതരണം ചെയ്തതില് പിഎസ്സിക്ക് പറ്റിയ പിഴവാണ് എന്നാണ് പ്രാഥമിക നിഗമനം.
