ഫിറോസിന്റെ ഓർമ്മകളിൽ
ഫുട്ബോൾ സ്കിൽ കോണ്ടസ്റ്റ്: നിങ്ങൾക്കും പങ്കാളികളാവാം
കല്പറ്റ: : അകാലത്തിൽ പൊലിഞ്ഞു പോയ പിണങ്ങോടിലെ കാൽപ്പന്തു കളിയുടെ സമാനതകളില്ലാത്ത ഫുട്ബോൾ താരം ഫിറോസിന്റെ അനുസ്മരണാർത്ഥം ടൗൺ ടീം പിണങ്ങോടിന്റെ ആഭിമുഖ്യത്തിൽ ഫുട്ബോൾ സ്കിൽ കോണ്ടസ്റ്റ് സംഘടിപ്പിക്കുന്നു.
സുഹൃത്തുക്കൾക്കും നാട്ടുകാർക്കും കോവിഡ് 19 ഭീതിയേക്കാൾ ഒരുപക്ഷെ ഏറെ വിഷാദത്തിൽ ആഴ്ത്തിയ വേർപാടായിരുന്നു ഫിറോസിന്റേത്. അദ്ദേഹത്തിന്റെ സമരണകളിൽ ഫിറോസ് പുരസ്കാരം എന്ന പേരിൽ ടൗൺ ടീം ഒരുക്കുന്ന സ്കിൽ കോണ്ടെസ്റ്റിൽ സ്വദേശത്തും വിദേശത്തുമുള്ളവർക്ക് പങ്കെടുക്കാം.
ലോക്ക് ഡൗണിൽ കഴിയുന്ന ഫുട്ബോൾ പ്രേമികൾ വീടുകളിൽ നിന്നും ഫുട്ബോൾ ഉപയോഗിച്ചുള്ള നിങ്ങളുടെ കഴിവുകൾ ഷൂട്ട് ചെയ്ത് 27.04.2020 തീയ്യതി വൈകിട്ട് 6 നു മുൻപ് 73569 15240,9747545675 എന്ന വാട്സാപ്പ് നമ്പറിലേക്ക് അയച്ചു നൽകുക. ലഭിക്കുന്ന വീഡിയോകളിൽ നിന്നും തിരഞ്ഞെടുക്കപ്പെട്ട ജൂറി വിജയികളെ കണ്ടെത്തും. ഈ സ്കിൽ കോണ്ടസ്റ്റിൽ വിജയിയായി തിരഞ്ഞെടുക്കപ്പെടുന്ന മത്സരാർത്ഥിക്ക് ടൗൺ ടീം പിണങ്ങോടിന്റെ “ഫിറോസ് ” പുരസ്കാരവും പ്രൈസ്മണിയും ലഭിക്കും.