തൃശൂരിലെ ദേശമംഗലത്ത് കാട്ടുതീയില്പ്പെട്ട് മരിച്ച വനപാലകരുടെ എണ്ണം മൂന്നായി. പൊള്ളലേറ്റ വാച്ചര് ശങ്കരനാണ് മരിച്ചത്. തൃശൂര് മെഡിക്കല് കോളജില് ചികിത്സയിലായിരുന്നു. ട്രൈബല് വാച്ചര്മാരായ ദിവാകരനും വേലായുധനും നേരത്തെ സംഭവ സ്ഥലത്ത് വെച്ചു തന്നെ മരിച്ചിരുന്നു.
ഗുരുതരമായി പൊള്ളലേറ്റ നിലയില് തൃശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ച വാച്ചര് ശങ്കരനെ ജൂബിലി മിഷന് ആശുപത്രിയിലേക്ക് മാറ്റിയെങ്കിലും മരിക്കുകയായിരുന്നു. മൃതദേഹങ്ങള് തൃശൂര് മെഡിക്കല് കോളേജ് മോര്ച്ചറിയില് സൂക്ഷിച്ചിരിക്കുകയാണ്.
വടക്കാഞ്ചേരി വനം റേഞ്ചില് പൂങ്ങോട് പരിധിയില് കാട്ടുതീ അണയ്ക്കുന്നതിനിടെയാണ് സംഭവം. പത്തിലധികം വനം വകുപ്പ് ജീവനക്കാരാണ് തീ അണയ്ക്കുന്നതിനായി എത്തിയിരുന്നത്.