കെഎസ്ആര്ടിസിയിലെ ക്രമക്കേട് സംബന്ധിച്ച് രേഖകൾ പുറത്ത്. 2018 ല് സ്വകാര്യ ഓഡിറ്റിംഗ് ഏജന്സിയെക്കൊണ്ട് നടത്തിയ ഓഡിറ്റിന്റെ രേഖകളാണ് ഇപ്പോള് പുറത്തുവന്നിരിക്കുന്നത്.കെടിഡിഎഫ്സിയില് നിന്നും എടുത്ത തുക തിരിച്ചടച്ചതില് 311.98 കോടി രൂപയ്ക്ക് കണക്കില്ലെന്നും രേഖയില് പറയുന്നു.കെടിഡിഎഫ്സിക്ക് തിരിച്ചടയ്ക്കാന് നല്കിയ തുകയില് ഗുരുതര ക്രമക്കേട് നടന്നുവെന്ന് വ്യക്തമാക്കുന്ന രേഖകളാണ് പുറത്തായത്.
. കെഎസ്ആര്ടിസിയുടെ അക്കൗണ്ടുകള് പരിശോധിച്ചപ്പോള് 100 കോടിരൂപയുടെ തിരിമറിയും കണ്ടെത്തിയിട്ടുണ്ടെന്ന് റിപ്പോര്ട്ടില് പറയുന്നു. കെഎസ്ആര്ടിസി ജീവനക്കാരെ ആക്ഷേപിച്ചുവെന്ന ആരോപണത്തില് വിശദീകരണവുമായി സിഎംഡി ബിജു പ്രഭാകര് രംഗത്ത് എത്തിയിരുന്നു .ചീഫ് ഓഫീസിലിരിക്കുന്ന അഞ്ച് ആറ് കഴിവുകെട്ട ഉദ്യോഗസ്ഥരെ മാറ്റിയാല് ഈ സംവിധാനം നന്നായി പോകും. സാമൂഹ്യനീതി നടപ്പാക്കാനുള്ള ഒരു ഉദ്യോഗസ്ഥന് ജീവനക്കാരെ ആക്ഷേപിക്കുന്നത് എങ്ങനെയാണ്. കെഎസ്ആര്ടിസിയെ തകര്ക്കാനല്ല ഞാന് ഇവിടുള്ളത്. റിട്ടയര് ചെയ്താല് കെഎസ്ആര്ടിസിയെ നശിപ്പിച്ചയാള് എന്ന ചീത്തപ്പേര് എനിക്ക് ഉണ്ടാകരുത്. കെഎസ്ആര്ടിസിയെ രക്ഷിച്ചയാള് എന്ന പേര് മാത്രമേ എനിക്കുണ്ടാകാവൂ എന്നും അദ്ദേഹം പറഞ്ഞു.