ന്യൂഡല്ഹി: റഫാല് യുദ്ധവിമാനങ്ങള് ഇന്ത്യന് വ്യോമസേനയുടെ ഭാഗമായി. ആദ്യ ബാച്ചിലായുള്ള അഞ്ച് വിമാനങ്ങളാണ് ഇന്ന് ഇന്ത്യന് വ്യോമസേനയുടെ ഭാഗമായത്. അംബാല വ്യോമസേന താവളത്തില് നടന്ന ചടങ്ങില് ഫ്രഞ്ച് പ്രതിരോധ മന്ത്രി ഫ്ളോറന്സ് പാര്ലി മുഖ്യാതിഥിയായി.
.ചടങ്ങില് പ്രതിരോധമന്ത്രി രാജ്നാഥ് സിങ്, ദേശീയ സുരക്ഷാ ഉപദേഷ്ടാവ് അജിത് ഡോവല്, സംയുക്ത സേനാമേധാവി ജനറല് ബിപിന് റാവത്ത്, വ്യോമസേനാ മേധാവി എയര്ചീഫ് മാര്ഷല് ആര്.കെ.എസ്. ഭദൗരിയ, പ്രതിരോധ സെക്രട്ടറി ഡോ. അജയ്കുമാര് തുടങ്ങിയവര് പങ്കെടുത്തു.
ചടങ്ങുകളുടെ ഭാഗമായി സര്വമത പ്രാര്ഥനയും (സർവ്വ ധർമ്മ പൂജ) ചടങ്ങിന്റെ ഭാഗമായി വ്യോമാഭ്യാസ പ്രകടനവും നടന്നു
