ഇന്ത്യയിൽ കോവിഡ് വൈറസ് രോഗബാധയും മരണനിരക്കും അനുദിനം വർദ്ധിച്ചു കൊണ്ടിരിക്കുന്നു. 24 മണിക്കൂറിനിടെ 75,809 പേർക്ക് കൂടി രോഗം സ്ഥിരീകരിച്ചു. ഇതോടെ ഇന്ത്യയിൽ ഇതുവരെ സ്ഥിരീകരിച്ച കോവിഡ് കേസുകൾ 42,80,423 ആയി.
രാജ്യത്ത് കോവിഡ് മരണങ്ങൾ ആയിരം കടന്ന് മുന്നേറുകയാണ്. ഇന്നലെ മാത്രം 1133 പേർ കോവിഡ് ബാധിതരായി ഇന്ത്യയിൽ മരിച്ചു. ഇതോടെ ഇന്ത്യയിൽ കോവിഡ് ബാധിച്ച് മരിച്ചവരുടെ എണ്ണം 72,775 ആയി.
1.70 ശതമാനമാണ് രാജ്യത്തെ മരണനിരക്ക്. ഇത് വരെ 33,23,950 പേർ രോഗമുക്തി നേടിയെന്നാണ് കേന്ദ്ര ആരോഗ്യ മന്ത്രാലയത്തിന്റെ കണക്ക്. 77.65 ശതമാനമാണ് രോഗമുക്തി നിരക്ക്.
യുഎസ് കഴിഞ്ഞാൽ ലോകത്ത് ഏറ്റവും കൂടുതൽ കോവിഡ് കേസുകളുള്ളത് ഇന്ത്യയിലാണ്. ഒറ്റ ദിവസത്തെ കോവിഡ് കേസുകൾ ഏറ്റവും കൂടുതൽ നിലവിൽ റിപ്പോർട്ട് ചെയ്യപ്പെടുന്നത് ഇന്ത്യയിലാണ്.
ഇന്ത്യയിൽ കോവിഡ് മരണം ആയിരം കടക്കുമ്പോൾ ഏറ്റവും ഉയർന്ന കേസുകൾ റിപ്പോർട്ട് ചെയ്തിരുന്ന അമേരിക്കയും ബ്രസിലിലും മരണം 500-ൽ താഴെയാണ്. ഇന്നലെ യു.എസിൽ 286 പേരും ബ്രസിലിൽ 315 പേരുമാണ് കോവിഡ് മൂലം മരിച്ചത്.
