ഡോളര് കടത്ത് കേസില് കസ്റ്റംസ് അന്വേഷണം തടസപ്പെടുത്തില്ലെന്ന് സ്പീക്കര് പി ശ്രീരാമകൃഷ്ണന് വ്യക്തമാക്കി. കസ്റ്റംസ് അന്വേഷണത്തില് നടപടി ക്രമങ്ങള് പാലിക്കണം. കസ്റ്റംസിന് കത്ത് നല്കിയത് ചട്ടം സൂചിപ്പിച്ചെന്നും സെക്രട്ടേറിയറ്റിന്റെ വിശ്വാസ്യത നിലനിര്ത്തിക്കൊണ്ടായിരിക്കണം അന്വേഷണമെന്നും സ്പീക്കര് വ്യക്തമാക്കി.അതേസമയം പതിനാലാം കേരള നിയമ സഭയുടെ 22 ാം സമ്മേളനം നാളെ തുടങ്ങും.നയപ്രഖ്യാപന പ്രസംഗം നാളെ നടക്കും.
സ്പീക്കറുടെ അനുമതി ഇല്ലാതെ നോട്ടിസ് നല്കാനാവില്ലെന്നും സഭാ വളപ്പില് ഉള്ളവര്ക്ക് പരിരക്ഷയുണ്ടെന്നും സ്പീക്കര് ചൂണ്ടിക്കാട്ടി.പല വാര്ത്തകളും പ്രചരിക്കുന്നുണ്ട്. അതിനോടൊന്നും പ്രതികരിക്കുന്നില്ലെന്നും അദ്ദേഹം വ്യക്തമാക്കി. 40 വർഷമായി പൊതു രംഗത്തുള്ളയാളാണ് താന്. ഒരുരൂപയുടെ അഴിമതി നടത്തിയെന്ന് തെളിയിച്ചാല് പൊതുപ്രവര്ത്തനം നിര്ത്തും. തനിക്ക് ഒരു ഭയവും ഇല്ല. വിവാദങ്ങളില് കൂടുതല് പറയാനില്ലെന്നും സ്പീക്കറുടെ വിശദീകരണം.