മാലയാള സിനിമയിലെ ആരാധകരുടെ പ്രതീക്ഷയാണ് മോഹൻലാൽ. ഒട്ടനവധി സിനിമകളിൽ അഭിനയിച്ച മോഹൻലാൽ തന്റെ സിനിമ ജീവിതത്തെ കുറിച്ചു മനസ് തുറന്നിരിക്കുകയാണ്. തനിക്കും മമ്മൂട്ടിക്കുമിടയിൽ ആരോഗ്യകരമായ മത്സരമാണുള്ളതെന്ന് തുറന്ന് പറഞ്ഞിരിക്കുകയാണ് മോഹൻലാൽ. യുദ്ധമൊന്നുമില്ല ആരോഗ്യകരമായ മത്സരമുണ്ടാവാം. മമ്മൂട്ടി ചെയ്ത മഹത്തായ റോളുകളൊന്നും എനിക്ക് ചെയ്യാന്‍ സാധിക്കില്ലായെന്ന ബോധ്യമുള്ളയാളാണ് ഞാനെന്നും മോഹൻലാൽ തുറന്നു പറഞ്ഞു.
ഒരു പ്രമുഖ മാധ്യമത്തിന്റെ മാഗസിനിന് നൽകിയ അഭിമുഖത്തിലാണ് ഇക്കാര്യത്തെ കുറിച്ച്‌ അദ്ദേഹം മനസു തുറന്നത്. അദ്ദേഹത്തിന് നല്ല റോളുകള്‍ കിട്ടുമ്പോൾ എനിക്കും നല്ല റോളുകള്‍ കിട്ടണമെന്ന് ഞാന്‍ കൊതിക്കാറുണ്ട്. അതില്‍ എന്താണ് തെറ്റ്. ഒരാളെ ഇല്ലാതാക്കാന്‍ മറ്റൊരാള്‍ ശ്രമിക്കുമ്പോഴല്ലേ പ്രശ്നമുള്ളൂവെന്നും മോഹന്‍ലാല്‍ പറഞ്ഞു.
