Local

പുതിയ 202 പോലീസ് ജീപ്പുകൾ മുഖ്യമന്ത്രി നിരത്തിലിറക്കി

സംസ്ഥാനത്തെ വിവിധ പോലീസ് സ്റ്റേഷനുകളുടെ ആവശ്യത്തിനായി വാങ്ങിയ ജീപ്പുകൾ മുഖ്യമന്ത്രി പിണറായി വിജയൻ ഫ്‌ളാഗ് ഓഫ് ചെയ്ത് നിരത്തിലിറക്കി. പേരൂർക്കട എസ്.എ.പി പരേഡ് ഗ്രൗണ്ടിൽ നടന്ന ചടങ്ങിൽ അഡീഷണൽ ചീഫ് സെക്രട്ടറി ഡോ.വിശ്വാസ് മേത്ത, സംസ്ഥാന പോലീസ് മേധാവി ലോക്‌നാഥ് ബെഹ്‌റ, മുഖ്യമന്ത്രിയുടെ പോലീസ് ഉപദേശകൻ രമൺ ശ്രീവാസ്തവ, മറ്റ് മുതിർന്ന പോലീസ് ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു.

202 പുതിയ ബൊലേറൊ ടൂ വീൽ ഡ്രൈവ് വാഹനങ്ങളാണ് മുഖ്യമന്ത്രി വിവിധ പോലീസ് സ്റ്റേഷനുകൾക്ക് കൈമാറിയത്. സ്റ്റേറ്റ് പ്ലാൻ സ്‌കീമിൽ ഉൾപ്പെടുത്തി സർക്കാർ അനുവദിച്ച 16.05 കോടി രൂപയിൽ നിന്നാണ് വാഹനങ്ങൾ വാങ്ങിയത്. എല്ലാ പോലീസ് സ്റ്റേഷനുകളിലും കുറഞ്ഞത് രണ്ട് വാഹനങ്ങൾ വീതം ഉണ്ടായിരിക്കണം എന്ന ലക്ഷ്യത്തോടെ, നിലവിൽ ഒരു വാഹനമുള്ള സ്റ്റേഷനുകൾക്കാണ് ഈ ജീപ്പുകൾ അനുവദിച്ചിട്ടുള്ളത്. 10 കൊല്ലവും അതിൽ കൂടുതലും പഴക്കമുള്ള വാഹനങ്ങൾ ഇനി മുതൽ ഒരു പോലീസ് സ്റ്റേഷനിലും ഉണ്ടാവില്ല.

വാഹനങ്ങൾ ലഭ്യമാക്കിയ എസ് ആൻഡ് എസ് മഹീന്ദ്ര കമ്പനിയുടെ സർവ്വീസ് വിഭാഗം ജനറൽ മാനേജർ ജി. സുരേഷ്, എച്ച്.ആർ വിഭാഗം മേധാവി ബി.വേണുഗോപാൽ എന്നിവർ വാഹനങ്ങളുടെ പ്രതീകാത്മകമായ താക്കോൽ മുഖ്യമന്ത്രിക്ക് കൈമാറി.

Avatar

kgm news

About Author

Leave a comment

Your email address will not be published. Required fields are marked *

You may also like

Local Trending

കളരിക്കണ്ടി എ. എല്‍. പി. സ്‌കൂള്‍ പ്രവേശനോത്സവം

കുന്നമംഗലം: കളരിക്കണ്ടി എ. എല്‍. പി. സ്‌കൂള്‍ പ്രവേശനോത്സവം വി. ടി. സുരേഷ്മാസ്റ്റര്‍ ഉദ്ഘാടനം ചെയ്തു. പി. ടി. എ. പ്രസിഡന്റ് ഇ. പ്രമോദ് അധ്യക്ഷനായി. എല്‍എസ്എസ്,
Local

പ്രവേശനോത്സവം:

കുന്ദമംഗലം: കുന്ദമംഗലം ഉപജില്ല സ്കൂൾ പ്രവേശനോത്സവവും കുന്ദമംഗലം ഗ്രാമ പഞ്ചായത്ത് തല പ്രവേശനോത്സവവും കുന്ദമംഗലം എ.യു.പി.സ്കൂളിൽ നടന്നു. ഗ്രാമ പഞ്ചായത്ത് പ്രസിഡണ്ട് ശ്രീമതി.ഷൈജ വളപ്പിൽ ഉദ്ഘാടനം ചെയ്തു.വാർഡ്
error: Protected Content !!