കൊച്ചി: മദ്യനയത്തില് അടിയന്തര നടപടി സ്വീകരിക്കണമെന്ന് കെസിബിസി. യുഡിഎഫ് യോഗം ചേര്ന്ന് തീരുമാനമെടുക്കണം. മദ്യനയത്തില് പൊതുജന വികാരത്തിനു അനുകൂലമായ നടപടി സ്വീകരിക്കണം. ഓപ്പറേഷന് തൂഫാന്റെ മറവില് മദ്യത്തിന് മഹത്വവത്കരണം വേണ്ട . ഇത് വിരോധാഭാസമാണെന്നും കേരള കത്തോലിക്ക ബിഷപ്പ് കൌണ്സില് ചൂണ്ടിക്കാട്ടി. മദ്യനയത്തില് എ.കെ ആന്റണി, ഉമ്മന്ചാണ്ടി സര്ക്കാരുകളുടെ മാതൃക സ്വീകരിക്കണമെന്നും വാര്ത്താക്കുറിപ്പില് ആവശ്യപ്പെട്ടു.
മുന്നണിയുടെ തിരഞ്ഞെടുപ്പ് മാനിഫെസ്റ്റോയോട് കൂറും വിശ്വസ്തതയും പുലര്ത്താന് നേതൃത്വം ബാധ്യസ്ഥരാണെന്നും കെസിബിസി മദ്യവിരുദ്ധ സമിതി സംസ്ഥാന സെക്രട്ടറിയും വക്താവുമായ പ്രസാദ് കുരുവിള ചൂണ്ടിക്കാട്ടി.
മാരക മയക്കുമരുന്നുകള്ക്കെതിരെ സംസ്ഥാന സര്ക്കാര് നടപ്പിലാക്കുന്ന പ്രതിരോധ നടപടിയായ ‘ഓപ്പറേഷന് തൂഫാന്’-ന്റെ മറവില് മദ്യത്തിന് മാന്യതയും മഹത്വവത്ക്കരണവും നല്കാന് അനുവദിക്കില്ല. മദ്യവും അപകടകരമായ ലഹരിയുടെ ഗണത്തില്പ്പെടുന്നവ തന്നെയാണ്. മയക്കുമരുന്നുകള്ക്കെതിരെ അതിശക്തമായ നടപടി സ്വീകരിക്കുകയും അതേസമയം വീര്യം കുറഞ്ഞ മദ്യത്തെ സ്വാഗതം ചെയ്യുകയും ചെയ്യുന്നത് പൊതുസമൂഹത്തില് അപകടകരമായ തെറ്റിദ്ധാരണകള്ക്ക് ഇടയാക്കുമെന്നും കുറിപ്പില് പറയുന്നു.
