കോടഞ്ചേരി; കൂടത്തായില് ആറുപേര് ഒരേപോലെ ദുരൂഹ സാഹചര്യത്തില് മരണപ്പെട്ടതുമായി ബന്ധപ്പെട്ട് ക്രൈംബ്രാഞ്ച് കല്ലറകള് തുറന്നുള്ള പരിശോദന ആരംഭിച്ചു. കോടഞ്ചേരി സെന്റ് മേരീസ് ഫറോന പള്ളിയില് അടക്കിയ സിലിയുടേയും രണ്ട് വയസ്സ് പ്രായമുള്ള കുഞ്ഞിന്റെയും മൃതദേഹങ്ങള് അടക്കിയ കല്ലറകളാണ് തുറന്നത്. കോഴിക്കോട് മെഡിക്കല് കോളജ് ഫൊറന്സിക് മേധാവിയടക്കം ആറംഗ വിദഗ്ധ സംഘമാണ് പരിശോധന നടത്തുന്നത്.
കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ (57), മകന് റോയി തോമസ് (40), ബന്ധുവായ യുവതി സിലി, സിലിയുടെ മകള് അല്ഫോന്സ( 2), അന്നമ്മയുടെ സഹോദരന് മാത്യു മഞ്ചാടിയില് (68), എന്നിവരുടെ മൃതദേഹങ്ങളാണ് പുറത്തെടുക്കുക.
വര്ഷങ്ങളുടെ ഇടവേളയില് ഒരേപോലെ ഉണ്ടായ മരണത്തിന് ശേഷം പിന്നീട് ടോം തോമസിന്റെ സ്വത്തുക്കള് വ്യാജ ഒസ്യത്തിന്റെ സഹായത്തോടെ നഷ്ടപ്പെട്ടിരുന്നു. തുടര്ന്ന് അമേരിക്കയിലുള്ള മകന് റോജോ പരാതി നല്കി. ഈ സംശയത്തിന്റെ അടിസ്ഥാനത്തിലാണ് ക്രൈംബ്രാഞ്ചിന്റെ നടപടി.