തദ്ദേശ തിരഞ്ഞെടുപ്പിന് മുന്നോടിയായി പി സി ജോർജിനെ യു ഡി എഫിലേക്ക് എത്തിക്കാൻ കോൺഗ്രസ്സ് നീക്കം. അനൗധിക ചർച്ചകൾ ആരംഭിച്ചതായി സൂചന. കേരള കോൺഗ്രസിന്റെ ജോസ് കെ മാണി വിഭാഗത്തെ മുന്നണിയിൽ നിന്നും പുറത്താക്കിയതിനെ തുടർന്നാണ് പുതിയ ചർച്ചകൾ.
നേരത്തെ കെ എം മാണിയോട് തീർത്തും വിയോജിപ്പ് പ്രകടിപ്പിച്ചിരുന്ന പി സി ജോർജ് മുന്നണിയിൽ നിന്നും പുറത്തായിരുന്നു. തുടർന്ന് സ്വതന്ത്രനായി മത്സരിച്ച് വിജയിക്കുകയും ശേഷം എൻ ഡി എ യുടെ ഭഗവാക്കുകയും ചെയ്തു. നിലവിലെ സാഹചര്യത്തിൽ തന്നെ പുറത്താക്കാൻ വേണ്ടി ശ്രമിച്ചവരെ മുന്നണിയിൽ നിന്നും പുറത്താക്കിയതിൽ സന്തോഷമുണ്ടെന്നും യു ഡി എഫിന് വൈകി ഉദിച്ച വിവേകമാണിതെന്നും, ജോസ് കെ മാണിക്കെതിരെ നടപടി സ്വീകരിച്ചതിനു പിന്നാലെ പി സി ജോർജ് അഭിപ്രായം പ്രകടിപ്പിച്ചിരുന്നു.
പി ജെ ജോസഫ് വിഭാഗവുമായി ലയിക്കണമെന്നാണ് കോൺഗ്രസ് പി സി ജോർജിന് മുന്നിൽ വെക്കുന്ന നിർദ്ദേശം. കൂടുതൽ ചർച്ചകൾക്കു ശേഷം തീരുമാനങ്ങൾ ഉണ്ടാകും