മലപ്പുറത്ത് ക്വാറന്റൈന് ലംഘിച്ച യുവാവിന് കോവിഡ്. ജൂണ് 18ന് ജമ്മുവില് നിന്ന് മലപ്പുറം ചീക്കോടെത്തിയ യുവാവിനാണ് രോഗം സ്ഥിരീകരിച്ചത്. ക്വാറന്റൈന് നിര്ദ്ദേശങ്ങള് പൂര്ണമായും ലംഘിച്ച ഇയാള് നിരവധിപ്പേരുമായി സമ്പര്ക്കത്തിലേര്പ്പെട്ടു. കടകളിലടക്കം നിരവധി ഇടങ്ങളില് ഇയാള് സന്ദര്ശിച്ചു. മലപ്പുറത്ത് കോവിഡ് രൂക്ഷമാവുന്ന സാഹചര്യത്തിലാണ് പുതിയ പ്രതിസന്ധി. ഇന്നലെ മാത്രം 35 പേര്ക്കാണ് മലപ്പുറത്ത് കോവിഡ് സ്ഥിരീകരിച്ചത്. സമ്പര്ക്കത്തിലൂടെയുള്ള രോഗബാധയും ജില്ലയില് കൂടുതലാണ്.