ലോട്ടറി കടക്ക് തീയിട്ട് യുവാവ്.സൈക്കിളിൽ ലോട്ടറി കച്ചവടം നടത്തി വരുന്ന രാജേഷ് എന്നാളാണ് തീയിട്ടത്. ഫേസ്ബുക്ക് ലൈവ് ഇട്ടതിന് ശേഷമാണ് കട കത്തിച്ചത്. തൃപ്പൂണിത്തുറ സ്റ്റാച്യു കിഴക്കേക്കോട്ട റോഡില് മീനാക്ഷി ലോട്ടറീസില് വെള്ളിയാഴ്ച വൈകീട്ട് 5.40നാണ് സംഭവം നടന്നത്.
ഒന്നര ലക്ഷത്തോളം രൂപയുടെ നാശ നഷ്ടം ഉണ്ടായതായി പറയുന്നു. ഒട്ടേറെ ലോട്ടറി ടിക്കറ്റുകള് കത്തിനശിച്ചു പരിഭ്രാന്തരായെങ്കിലും ജീവനക്കാര് ഉടന് വെള്ളം ഒഴിച്ച് തീ കെടുത്തിയതിനാല് മറ്റ് അപകടങ്ങള് ഉണ്ടായില്ല. കടയിലെ ജീവനക്കാരുടെ ദേഹത്തും പെട്രോള് വീണു. . നഗരത്തില് മുട്ടി മുട്ടിയെന്നോണം കച്ചവടസ്ഥാപനങ്ങള് സ്ഥിതി ചെയ്യുന്നയിടത്താണ് ഇങ്ങനെ കടയില് പെട്രോളൊഴിച്ച് തീ കത്തിച്ച സംഭവം ഉണ്ടായത്.
മീനാക്ഷി ലോട്ടറി ഏജന്സീസ് കത്തിക്കുമെന്ന് രാജേഷ് കഴിഞ്ഞദിവസം ഫെയ്സ്ബുക്ക് ലൈവില് പറഞ്ഞിരുന്നു. വെള്ളിയാഴ്ച വൈകിട്ട് ആറുമണിക്ക് കട കത്തിക്കുമെന്നും ഇങ്ങനെ കുത്തക മുതലാളിമാര് ആവശ്യമുണ്ടോ എന്നുമായിരുന്നു ഇയാള് വീഡിയോയില് പറഞ്ഞിരുന്നത്.
റിയല് കമ്മ്യൂണിസം, ഇ.എം.എസ്. ഭരിച്ച കമ്മ്യൂണിസമാണ് നമുക്ക് വേണ്ടത്, ജനങ്ങള്ക്ക് വേണ്ടി ജനങ്ങളിലേക്കിറങ്ങുന്ന സഖാക്കളെയാണ് ആവശ്യം. ഒരു കുത്തക മുതലാളിത്തം രാജേഷ് എന്ന താന് ജീവിച്ചിരിക്കുവോളം സമ്മതിക്കില്ലെന്നും ഇയാള് വീഡിയോയില് പറഞ്ഞിരുന്നു.
