നോയിഡ: രാഹുല് ഗാന്ധിയും പ്രിയങ്ക ഗാന്ധിയും കോണ്ഗ്രസിന്റെ 30 ലേറെ എം.പിമാരും നേതാക്കന്മാരും ഹാത്രാസിലേക്ക്.പോകുന്ന വഴിക്കെല്ലാം അണികള് കോണ്ഗ്രസ് നേതാക്കള്ക്ക് അഭിവാദ്യം അര്പ്പിച്ചിരുന്നു. യാത്രയില് നിന്നും പിന്നോട്ടില്ലെന്നും കുടുംബത്തെ കണ്ടിട്ടേ മടങ്ങുള്ളൂ എന്ന നിലപാടിലാണ് കോണ്ഗ്രസ്.
അതേസമയം കോണ്ഗ്രസ് നേതാക്കളെ തടയാന് നോയിഡ ടോള് ഗേറ്റില് വന് പൊലീസ് സന്നാഹത്തെയാണ് ഒരുക്കിയിരിക്കുന്നത്. നേതാക്കളെ കടത്തിവിടില്ലെന്ന ഉറച്ച തീരുമാനത്തിലാണ് യു.പി ഭരണകൂടം. ബാരിക്കേഡുകള് വെച്ചാണ് ടോള് ഗേറ്റ് പൊലീസ് അടച്ചിരിക്കുന്നത്.
ഹാത്രാസിലെ കുടുംബത്തെ സന്ദര്ശിക്കുന്നതില് നിന്നും തന്നെ തടയാന് ഒരു ശക്തിക്കും സാധിക്കില്ലെന്നും കുടുംബത്തെ കണ്ടിരിക്കുമെന്നും രാഹുല് പറഞ്ഞിട്ടുണ്ട്.