കൊല്ലം : ചന്ദനത്തിരി കച്ചവടത്തിന്റെ മറവിൽ കഞ്ചാവ് കച്ചവടം പ്രതി പോലീസ് പിടിയിൽ.എഴുകോൺ കൊട്ടേകുന്നം മേരി ഭവനിൽ സ്റ്റീഫൻ ഫെർണാണ്ടസിനെയാണ് പോലീസ് പിടികൂടിയത്. നേരത്തെ കഞ്ചാവു കേസിൽ പ്രതിയായ ഇയാൾ ജാമ്യത്തിൽ ഇറങ്ങിയ ശേഷം കഞ്ചാവ് കടത്താൻ ശ്രമിക്കവെയാണ് പിടിയിലായത്.
എക്സൈസിന്റെ രാത്രി പട്രോളിങ്ങിനിടെ കൊല്ലം എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ ഐ നൗഷാദും സംഘത്തിന്റെയും നേതൃത്വത്തിൽ രണ്ടു കിലോ കഞ്ചാവുമായി വന്ന പ്രതിയെ പിടികൂടുകയായിരുന്നു.
തമിഴ്നാട്ടിൽനിന്ന് ചന്ദനത്തിരി, പുൽത്തൈലം എന്നിവ കൊണ്ടുവന്നു കച്ചവടം നടത്തുന്നെന്നാണ് പറഞ്ഞത്. ബാഗിന്റെ മുകൾഭാഗത്ത് ചന്ദനത്തിരിക്കവർ അടുക്കിവച്ച് അടിയിൽ വർണക്കടലാസിൽ പൊതിഞ്ഞ നിലയിൽ കഞ്ചാവ് ഒളിച്ചുവച്ചിരിക്കുകയായിരുന്നു.