തിരുവനന്തപുരം: പോത്തന്കോട് വിമുക്ത ഭടന് മദ്യം നല്കി മര്ദിച്ച് സ്വര്ണം കവര്ന്ന സംഭവത്തില് പ്രതികള് പിടിയില്. നെയ്യാറ്റിന്കര ആറാലുംമൂട് സ്വദേശി ദീപ മകന് അഖില്, പ്രകാശന് എന്നിവരെ ആണ് പിടികൂടിയത്. ആലപ്പുഴയിലെ ധ്യാനകേന്ദ്രത്തില് നിന്നാണ് ഇവരെ പൊലീസ് പിടികൂടിയത്. ദീപ മുന്പും ഹണി ട്രാപ് കേസില് പിടിയില് ആയിട്ടുണ്ട്. കഴിഞ്ഞ ഞായറാഴ്ച ചന്തവിളയിലായിരുന്നു സംഭവം നടന്നത്.
കൊച്ചി: കൊച്ചിയില് ബാലവേലയ്ക്ക് എത്തിച്ച 9 കുട്ടികളെ രക്ഷപ്പെടുത്തി. ബീഹാറില് നിന്നെത്തിയ 9 ആണ്കുട്ടികളെയാണ് രക്ഷപ്പെടുത്തിയത്. കുട്ടികളെ കൊണ്ടുവന്ന രണ്ട് യുവാക്കളെ പൊലീസ് അറസ്റ്റ് ചെയ്തു. ബീഹാര് സ്വദേശിയായ ഡബ്ലു നാട്ട്, സുനില് മോണ്ടല് എന്നിവരാണ് അറസ്റ്റിലായത്. പെരുമ്പാവൂരിലെ പ്ലൈവുഡ് ഫാക്ടറിയിലേക്ക് ജോലിക്ക് എത്തിച്ചതായിരുന്നു കുട്ടികളെയെന്ന് പ്രതികള് പൊലീസിന് മൊഴി നല്കി. മണിക്കൂറില് 50 രൂപ കൂലി വാഗ്ദാനം ചെയ്താണ് കുട്ടികളെ എത്തിച്ചത്. അതേസമയം, കുട്ടികളെ എത്തിക്കാന് ആവശ്യപ്പെട്ട മലയാളി ഏജന്റിനായി പൊലീസ് തിരച്ചില് തുടരുകയാണ്.
കണ്ണൂര്: ദന്തല് കോളേജ് വിദ്യാര്ത്ഥിയായ നിതിന് രാജിന്റെ മരണത്തില് മുഖ്യപ്രതിയായ ഡോ എം കെ റാം പിടിയില്. കുടകില് നിന്നാണ് ഡോ റാമിനെ പിടികൂടിയത്. ഇയാളെ കണ്ണൂര് ക്രൈംബ്രാഞ്ച് ഓഫീസില് എത്തിച്ച് ചോദ്യം ചെയ്തുവരികയാണ്. നേരത്തെ റാമിനെ തേടി അന്വേഷണ സംഘം ആന്ധ്രയിലെ ചിറ്റൂരിലെത്തിയിരുന്നു. എന്നാല് റാം അവിടെ നിന്ന് രക്ഷപ്പെടുകയായിരുന്നു. കേസില് മാസങ്ങള്ക്ക് ശേഷമാണ് റാമിനെ പിടികൂടുന്നത്. സുപ്രീംകോടതി കൂടെ മുന്കൂര് ജാമ്യം തള്ളിയതോടെയാണ് റാം ഒളിവില് പോയത്. താടി വെച്ചു രൂപം മാറിയാണ് ഇയാള് […]
കോഴിക്കോട്: വടകര കാഫിര് സ്ക്രീന്ഷോട്ട് കേസില് ഒരു സിപിഎം പ്രവര്ത്തകന് കൂടി അറസ്റ്റില്. സിപിഎം കണ്ണങ്കുഴി ബ്രാഞ്ചംഗം ആര്. അമലാണ് അറസ്റ്റിലായത്. പ്രത്യേക അന്വേഷണ സംഘത്തിന്റേതാണ് നടപടി. ‘റെഡ് ബറ്റാലിയന്’ എന്ന വാട്സ്ആപ്പ് ഗ്രൂപ്പില് വ്യാജ കാഫിര് സ്ക്രീന്ഷോട്ട് ഷെയര് ചെയ്തതിലാണ് അറസ്റ്റ്. ഡിവൈഎഫ്ഐ വടകര ടൗണ് മേഖലാ കമ്മിറ്റിയംഗം കൂടിയാണ് അമല്. കേസില് ഡിവൈഎഫ്ഐ പ്രവര്ത്തകന് ജിതിന് ഭാസ്കറും അറസ്റ്റിലായിരുന്നു. തുടര്ന്ന് റിമാന്ഡിലായ ജിതിന് 18-ാം ദിവസം കോഴിക്കോട് ജില്ലാ സെഷന്സ് കോടതി കര്ശന ഉപാധികളോടെ […]
കോഴിക്കോട്: മാവൂരില് പ്രതിയെ പിടികൂടാനെത്തിയ പൊലീസ് സംഘത്തിന് നേരെ ആക്രമണം. പാലക്കാട് നിന്നും പ്രതിയെ പിടിക്കാന് എത്തിയ പൊലീസിന് നേരെയാണ് ആക്രമണം ഉണ്ടായത്. പൊലീസിന് നേരെ പ്രതികള് തോക്ക് ചൂണ്ടുകയും പന്നി പടക്കം എറിയുകയും ചെയ്തു. പ്രതികള്ക്കും പരിക്കേറ്റിട്ടുണ്ട്. പ്രവാസി വ്യവസായി മുഹമ്മദാലിയെ തട്ടിക്കൊണ്ടുപോയ കേസിലെ പ്രതികളായ ആട് ഷെമീറും സംഘവുമാണ് പൊലീസിനെ ആക്രമിച്ചത്. പ്രതികളെ പൊലീസ് സാഹസികമായി കീഴടക്കി. രണ്ട് പൊലീസുകാര്ക്ക് നേരെയാണ് ആക്രമണമുണ്ടായത്. നാല് പ്രതികളാണ് മാവൂരില് ഒളിവില് താമസിച്ചിരുന്നത്.
കോഴിക്കോട്: കൊടുവള്ളിയില് ജ്യേഷ്ഠന് അനുജനെ കൊലപ്പെടുത്തി. കൊടുവള്ളി വലിയപറമ്പ് സ്വദേശി പ്രസാദ് (50) ആണ് കൊല്ലപ്പെട്ടത്. ജ്യേഷ്ഠന് പ്രമോദിനെ പൊലീസ് കസ്റ്റഡിയില് എടുത്തു. ശനിയാഴ്ച രാത്രിയായിരുന്നു സംഭവം നടന്നത്. മദ്യലഹരിയിലാണ് പ്രമോദ് കൊല നടത്തിയതെന്നാണ് പൊലീസ് പറയുന്നത്. കൊടുവള്ളിയിലെ വീട്ടില് പ്രസാദും പ്രമോദും മാത്രമായിരുന്നു താമസിച്ചിരുന്നത്. ഇരുവരും തമ്മില് നേരത്തേ തന്നെ സ്വത്ത് തര്ക്കമുണ്ടായിരുന്നു. ഇന്നലെ ഇതുമായി ബന്ധപ്പെട്ട് ഇരുവരും തര്ക്കത്തിലേര്പ്പെട്ടു. ഇതിനിടെയാണ് പ്രമോദ് പ്രസാദിനെ കുത്തിക്കൊലപ്പെടുത്തിയത്. തൊട്ടുപിന്നാലെ പൊലീസ് സ്ഥലത്തെത്തുകയും പ്രമോദിനെ കസ്റ്റഡിയില് എടുക്കുകയുമായിരുന്നു
കുന്ദമംഗലം: ഓപ്പറേഷന് തൂഫാന്റെ ഭാഗമായി കുന്ദമംഗലം പൊലീസ് നടത്തിയ ശക്തമായ പരിശോധനയില് എംഡിഎംഎയുമായി യുവാവ് അറസ്റ്റിലായി. ദേശീയപാതയിലെ സിന്ധു തിയേറ്ററിന് സമീപം നടത്തിയ വാഹന പരിശോധനയ്ക്കിടെയാണ് 2.21 ഗ്രാം എംഡിഎംഎയുമായി യുവാവ് പിടിയിലായത്.പുളിക്കല് റിസാന മന്സില് റിഷാബ് (35) എന്നയാളെയാണ് പൊലീസ് അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് ഇയാളില് നിന്ന് 2.21 ഗ്രാം എംഡിഎംഎ കണ്ടെടുത്ത് പിടിച്ചെടുത്തത്.പ്രാഥമിക അന്വേഷണത്തില്, സ്കൂള്-കോളേജ് വിദ്യാര്ഥികളെ ലക്ഷ്യമിട്ട് എംഡിഎംഎ വിതരണം നടത്തുന്നതില് ഇയാള്ക്ക് പങ്കുണ്ടെന്ന സംശയമാണ് പൊലീസിനുള്ളത്. വലിയ […]
കോഴിക്കോട്: കോഴിക്കോട് ഡാന്സാഫ് സംഘവും പന്തിയങ്കര പോലീസും ചേര്ന്ന് കഴിഞ്ഞ ദിവസം പിടികൂടിയ ഒരു കിലോ 10 ഗ്രാം എംഡിഎംഎ കേസിലെ മുഖ്യകണ്ണിയായ മലപ്പുറം അരൂര് സ്വദേശി ഷെഫീഖിനെ അറസ്റ്റ് ചെയ്തു. പോലീസിനെ ആക്രമിക്കാനും തെളിവുകള് നശിപ്പിക്കാനുമുള്ള ശ്രമത്തിനിടെയാണ് ഇയാളെ ബലപ്രയോഗത്തിലൂടെ കീഴ്പ്പെടുത്തി പിടികൂടിയത്.കോഴിക്കോട്, മലപ്പുറം ജില്ലകളിലേക്ക് വന്തോതില് എംഡിഎംഎ എത്തിക്കുന്ന സംഘത്തിലെ പ്രധാന കണ്ണിയായ ഷെഫീഖ് നിലവില് ഏഴ് ലഹരിമരുന്ന് കേസുകളിലെ പ്രതിയാണ്. കൊണ്ടോട്ടി, പരപ്പനങ്ങാടി, തിരുനെല്ലി പോലീസ് സ്റ്റേഷനുകളിലും മലപ്പുറം, മാനന്തവാടി എക്സൈസ് രജിസ്റ്റര് […]
കോഴിക്കോട്: ഓപ്പറേഷന് ‘തൂഫാന്’ന്റെ ഭാഗമായി കോഴിക്കോട് സിറ്റി ഡാന്സാഫും സിറ്റി പോലീസും സംയുക്തമായി നടത്തിയ പരിശോധനയില് എം.ഡി.എം.എയും കഞ്ചാവുമായി രണ്ടുപേര് പിടിയിലായി. നടക്കാവ് മേഖലയില് നടത്തിയ പരിശോധനയില് വില്പ്പനയ്ക്കായി എത്തിച്ച 1.5 ഗ്രാം എം.ഡി.എം.എയുമായി ചെലവൂര് സ്വദേശി സലിത്തിനെ കോഴിക്കോട് സിറ്റി ഡാന്സാഫും നടക്കാവ് പോലീസും ചേര്ന്ന് അറസ്റ്റ് ചെയ്തു.അതേസമയം, ഗോവിന്ദപുരം മൈലമ്പാടി ഭാഗത്ത് നടത്തിയ പരിശോധനയില് വില്പ്പനയ്ക്കായി എത്തിച്ച 600 ഗ്രാം കഞ്ചാവുമായി അശോകപുരം സ്വദേശി അശ്വന്തിനെയും കോഴിക്കോട് സിറ്റി ഡാന്സാഫും മെഡിക്കല് കോളേജ് പോലീസും […]
ബത്തേരിയില് വന് എം.ഡി. എം.എ വേട്ട. മലദ്വാരത്തില് ഒളിച്ചു കടത്താന് ശ്രമിച്ച എം.ഡി.എം.എയുമായി ബസ് യാത്രികനായ യുവാവ് അറസ്റ്റില്. വയനാട് പോലീസാണ് ഇയാളെ വിദഗ്ധമായി പിടികൂടിയത്. കവറടക്കം 64 ഗ്രാം എം.ഡി.എം.എ ആണ് ഇയാളുടെ കൈവശം ഉണ്ടായിരുന്നത്. കോഴിക്കോട് പരപ്പന് പൊയില്, തെക്കേ പുരയില് വീട്ടില് സനീഷ് കുമാര് (40) നെയാണ് വയനാട് ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും ബത്തേരി പോലീസും സംയുക്തമായി നടത്തിയ പരിശോധനയില് ബത്തേരിയില് നിന്ന് പിടികൂടിയത്. ഇയാളെ ബത്തേരിയിലെ ഹോസ്പിറ്റലില് […]
