തിരുവനന്തപുരം: ലോക്ക് ഡൌൺ ഇളവുകൾ നൽകിയ പശ്ചാത്തലത്തിൽ സംസ്‌ഥാനത്ത്‌ നാളെ മുതൽ കെഎസ്‌ആർടിസി അന്തർ ജില്ലാ ബസ് സർവീസുകൾ ആരംഭിക്കും. ബസ് ചാർജിൽ വർധനവ് ഉണ്ടാവില്ല എന്നും മുൻപത്തെ നിരക്കിൽ വാഹനം ഓടുമെന്നും ഗതാഗതമന്ത്രി എ കെ ശശീന്ദ്രൻ അറിയിച്ചു.
1037 ബസുകൾ സർവീസ് നടത്തും. സ്വകാര്യ ബസുകളും നാളെ മുതൽ സർവീസ് നടത്തും.
നിരക്ക്‌ വർദ്ധന വേണമെന്ന്‌ കെഎസ്‌ആർടിസിയും സ്വകാര്യ ബസുടമകൾ ആവശ്യപ്പെട്ടിട്ടുണ്ടെന്നും പിന്നീട്‌ ചർച്ചചെയ്യുമെന്നും മന്ത്രി പറഞ്ഞു .
